O primeiro avión con soldados da Brilat pon rumbo a Afganistán
Por Natalia Puga
Un primeiro avión con soldados da Brigada de Infantería Lixeira (Brilat) puxo rumbo a Afganistán este sábado 27 de outubro. Vai cheo de 260 militares que iniciarán o relevo da nova misión española no país asiático.
Os soldados serán os primeiros da Brigada en chegar a Afganistán, onde tomarán o relevo á Brigada Paracaidista (Bripac) que na actualidade está despregada en zona de operacións.
O avión partiu de Madrid e fixo escala no aeroporto de Castrillón, en Asturias. Estaba previsto o seu despegamento do aeródromo asturiano ao redor das 21.30 horas, aínda que non puido confirmarse a hora final na que puxo rumbo a seis meses de misión internacional.
Entre os pasaxeiros ían soldados da Brilat con base en Figueirido e Cabo Noval (Asturias), acuartelamento que achega o Batallón de Manobra e o groso dos mandos da nova Forza ASPFOR XXXII en Afganistán, que estará ao mando do coronel Fernando García González-Valerio.
O resto dos relevos sucederanse durante os próximos 20 días ata culminar a mediados de novembro coa TOA, cerimonia de entrega da autoridade entre a Bripac e a Brilat.