Continúan descendendo os casos activos de Covid na área sanitaria tras unha xornada con 39 novos contaxios
Por Diego Espiño
A área Sanitaria de Pontevedra e O Salnés mantén a tendencia na redución de afectados por coronavirus, a pesar de manterse nunhas cifras considerables de novos contaxios.
Isto explícase polo elevado número de altas epidemiolóxicas dadas en ultímalas horas, con 79 persoas que superaron a infección, unido a que o número de probas positivas detectadas é inferior ao das últimas semanas aínda que siga sendo importante, con 39 contaxiados detectados desde o venres.
Así se reflicte na información facilitada este sábado 5 de decembro polo Servizo Galego de Saúde (SERGAS), e que sitúa en 1.025 os casos activos na área sanitaria, o que supón unha redución de 40 casos con respecto á xornada anterior.
En canto ao número de hospitalizados increméntase nunha persoa para un total de 51 pacientes, dos que 42 evolucionan en planta entre o Complexo Hospitalario Universitario de Pontevedra (36), Hospital QuirónSalud Miguel Domínguez (4) e Hospital do Salnés (2). Os outros 9 casos permanecen na Unidade de Coidados Intensivos (UCI) de Montecelo.
Desde o inicio da pandemia superaron a Covid un total de 4.585 pacientes da área sanitaria, rexistrándose 59 falecementos asociados ao virus.
No que respecta a a realización de probas PCR, nas últimas 24 horas fixéronse 1.093, que se engaden ás 94.462 efectuadas con anterioridade.
DATOS EN GALICIA
A nivel autonómico o total de pacientes con infección activa é de 6.948, o que supón un descenso de 188 casos. Deles 337 atópanse hospitalizados en planta (-10) e 61 evolucionan na Unidade de Coidados Críticos (-1).
Nas últimas horas en Galicia confirmáronse 337 contaxios a través de probas PCR e faleceron 10 persoas, o que sitúa en 1.246 o número mortes asociadas á pandemia.
Vigo é actualmente a área sanitaria galegos cun maior número de casos activos de Covid (1.842), seguida da Coruña (1.430), Pontevedra (1.025), Lugo (829), Santiago (807), Ferrol (596) e Ourense (419).
Relacionadas:
-
Soben as hospitalizacións por Covid na área sanitaria a pesar de manterse o descenso de casos activos
Por Diego Espiño |
-
A área sanitaria baixa do milleiro de casos activos de Covid por primeira vez desde o 30 de outubro
Por Diego Espiño |
-
A cifra de novos positivos sitúase en 26 na área sanitaria e continúan 9 pacientes covid na UCI de Montecelo
Por Redacción |
-
Unha muller de 71 anos e un home de 80 falecen en Montecelo por coronavirus
Por Redacción |
-
Segue a baixada de casos activos de coronavirus na área sanitaria
Por Oskar Viéitez |
-
Unha muller de 80 años falecida en Montecelo, vítima número 57 da pandemia na área sanitaria
Por Redacción |
-
A área sanitaria mantén 58 pacientes hospitalizados, oito deles na UCI, e suma 42 novos contaxios nun día
Por Natalia Puga |