Decorados de fantasía en prazas e parques para promover o movemento económico nestas festas
Por Redacción
Amosar unha imaxe de maxia e de espírito do Nadal é o que pretende a concellería de Promoción Económica a través da plataforma #PonteLovers coa instalación de decorados de fantasía en diferentes puntos da cidade coa idea de impulsar a actividade económica.
Yoya Blanco, concelleira de Promoción Económica,visitaba este martes varias das instalacións que xa se atopan en parques e prazas de Monte Porreiro, Amalia Álvarez, Vos Salgueiriños, A Parda e o centro histórico. Esta proposta pretende que os paseantes se fagan fotos nestes espazos nos que se poden ver elfos e casas infantís, iluminadas tanto no seu interior como no exterior.
Os escolares tamén poderán gozar dun barco de resina no Parque Damián, no barrio da Parda. E tres globos adornan as inmediacións do barrio de Os Salgueiriños coa figura dun gnomo con carapucha de Papá Noel.
Na Praza de Europa, en Monte Porreiro, os residentes e visitantes poderán comprobar os catro conos piñeiro-abeto con iluminación e os dous cogomelos de gran tamaño, que xa foron utilizadas polos máis pequenos para sacarse fotografías. Un reno humanizado decora a praza do Marqués de Aranda. Con estas propostas, Yoya Blanco sinala que é necesario que o espírito de ilusión percorra diferentes puntos da cidade e anunciou que haberá máis novidades co programa Ponte Xogos e o concurso de escaparatismo.
Relacionadas:
-
Promoción Económica organiza numerosas actividades en toda a cidade ao redor dun concurso de escaparatismo
Por Oskar Viéitez & Mónica Patxot |
-
Un cento de comercios de Pontevedra compiten nun certame de escaparatismo
Por Redacción |
-
Ponte Xogos organiza visitas á Oficina Postal de Papá Noel e os Reis Magos
Por Redacción |
-
Ante a falta de iluminación de Nadal na rúa, tres portais de Camposanto únense para ofrecer unha imaxe alegre nestas festas
Por Redacción |
-
Un tren de Nadal e unha canle de televisión con actividades infantís, principais atractivos de Ponte Xogos 2020
Por Natalia Puga & Mónica Patxot |
-
O Mercado de Abastos transfórmase nunha pasarela de moda
Por Mónica Patxot & Redacción |
-
Decorar os escaparates de Nadal ten premio en Pontevedra
Por Alejandro Espiño & Mónica Patxot |
-
Entregan os premios de escaparatismo do proxecto Nova Terra
Por Redacción |
-
Os barrios da cidade contarán cun "universo de fantasías" de Nadal
Por Redacción |
-
O Mercado de Abastos, convertido nunha pasarela de moda
Por Redacción |