Volven subir o número de casos activos na Área Sanitaria
Por Oskar Viéitez
Este sábado 12 de decembro a Área Sanitaria de Pontevedra-O Salnés informa de 63 novos positivos de covid e 51 persoas curadas. Isto incrementa en 12 o número de casos activos na área ata chegar a un total de 851.
Na área Sanitaria mantéñense 39 pacientes covid ingresados en planta de hospitalización. Concretamente, 30 pacientes están no Complexo Hospitalario Universitario de Pontevedra, 3 no QuirónSalud Miguel Domínguez e 6 no Hospital do Salnés.
Ademais hai 9 pacientes de covid na unidade de Coidados Críticos do Hospital Montecelo.
Así mesmo, permanecen 803 casos evolucionando nos seus domicilio ao ter unha sintomatoloxía máis leve.
Desde o inicio do plan de continxencia do covid-19 curáronse 5.052 pacientes. (51 máis que no día de onte) e faleceron por este virus na área sanitaria 69 pacientes, o último, este venres no Hospital Montecelo, un home de 60 anos.
En canto a realización de probas PCR, nas últimas 24 horas fixéronse 1.058, que se engaden ás 99.820 xa efectuadas desde o inicio da pandemia na área sanitaria de Pontevedra-O Salnés .
DATOS GALICIA
A Dirección Xeral de Saúde Pública da Consellería de Sanidade informa que na última actualización, o número de casos activos de coronavirus en Galicia é de 5.530 deles 1.017 son da área da Coruña, 545 da de Lugo, 403 da de Ourense, 851 da de Pontevedra, 1.315 da área de Vigo, 852 da de Santiago, e 547 da de Ferrol.
Do total de pacientes positivos, 54 están en UCI, 298 en unidades de hospitalización e 5.178 no domicilio. Polo de agora, en Galicia hai un total de 49.232 persoas curadas, rexistrándose 1.303 falecementos.
O número de PCR realizadas é de 975.267.
RESIDENCIAS
En canto ao número de casos positivos nas residencias da terceira idade, a Xunta notifica este sábado un novo caso na Residencia Soremay de Pontevedra, onde se retiraron do cómputo 5 traballadores por negativizar.
En total son 41 maiores contaxiados na Residencia Soremay de Pontevedra, 5 na DomusVi de Ribadumia e 31 usuarios da Residencia Pontevedra, de Vilaboa.
En toda Galicia hai 267 usuarios de centros de maiores contaxiados por coronavirus e un total de 163 traballadores (15 deles empregados de Soremay Pontevedra, 12 de DomusVi Ribadumia e 14 da residencia de Vilaboa).
ESCOLAS INFANTÍS E CENTROS EDUCATIVOS
Nas escolas infantís e os centros educativos da área sanitaria de Pontevedra-O Salnés hai este sábado un total de 131 casos positivos notificados polo Sergas.