Telmo Martín advirte que a "irresponsabilidade" provoca que a saúde dos veciños "siga contra as cordas"
Por Redacción
A pesar de que as cifras certifican unha redución nos casos activos por covid-19 en Sanxenxo, que baixaron ata os 59 (dous menos que onte), o goberno municipal alerta de que a incidencia da pandemia seguen sendo "moi alta".
En concreto, a incidencia acumulada a sete días sitúase en 230 casos por cada 100.000 habitantes e en 305 casos a catorce días, segundo coñeceu o alcalde, Telmo Martín, nunha entrevista telemática con responsables de Sanidade.
Ante esta situación, Martín pediu aos habitantes de Sanxenxo que sexan "especialmente rigorosos" no cumprimento das medidas de restrición para este Nadal.
Asegura que "non sería perdoable" que pola "irresponsabilidade duns poucos" a saúde dos veciños "siga contra as cordas" e que a economía local "non recupere ou pulso".
O goberno local está convencido de que se as cousas "non se fan ben", ademais de poñer en risco a saúde pública tamén afectará á viabilidade do comercio, á hostalería e á actividade turística en xeral.
"O que está en xogo non é se os locais están abertos ou pechados senon que hai moitas familias pasando situacións moi dramáticas", sinala Telmo Martín, que apela a responsabilidade individual para lograr frear a pandemia.
Relacionadas:
-
Alerta en Pontevedra tras detectarse unha repunta de casos "nos últimos dous ou tres días"
Por Alejandro Espiño |
-
Seguen subindo os casos activos na área Sanitaria de Pontevedra-O Salnés
Por Oskar Viéitez | Creada e actualizada
-
Sanidade asegura que a evolución de Pontevedra "segue sendo boa" pero pide "moita prudencia"
Por Alejandro Espiño |