Piden unha campaña de sensibilización sobre a reciclaxe en Marín
Por Redacción
Lucía Santos, portavoz municipal do BNG de Marín, trasladaba no último pleno municipal as queixas veciñais polo mal uso dos puntos de lixo e a súa incorrecta utilización. A representante nacionalista afirma que é habitual comprobar que os contedores de lixo atópanse desbordados ou que os residuos se atopan depositados nun contedor distinto ao que corresponde.
Ante esta situación, o BNG solicita ao goberno municipal de María Ramallo que se poña en marcha unha campaña de sensibilización para a correcta reciclaxe. A idea é sensibilizar á cidadanía da importancia que ten realizar unha correcta clasificación e depositar o lixo no contedor correspondente polo ben do medio natural.
Desde a formación nacionalista consideran que a administración pública debe concienciar á veciñanza da importancia de actuar de forma correcta desde cada domicilio para mellorar a calidade do servizo.