Sanidade prevé iniciar o 29 de decembro a vacinación da covid-19 en Pontevedra
Por Alejandro Espiño
Ata o 29 de decembro, dous días máis tarde do previsto, Sanidade non iniciará a campaña de vacinación contra a covid-19. O motivo, o reducido número de dose que o Goberno enviará a Galicia nun primeiro momento.
As autoridades sanitarias galegas explican que o executivo central confirmou que o envío inicial será de 500 doses, polo que a Xunta viuse obrigada a variar o plan previsto, no que se contemplaba a vacinación simultánea en residencias das sete áreas sanitarias.
Así, esta campaña comezará o domingo 27 de decembro nunha residencia de Santiago.
A segunda entrega de doses para Galicia chegará o vindeiro luns, cunha cantidade aproximada de 18.000 novas doses.
Estas doses non poderán empregarse ata a xornada do martes, debido aos prazos que precisa a vacina para desconxelarse e así poder subministrala.
O conselleiro de Sanidade, Julio García Comesaña, explicou que será "fundamental" que a chegada das vacinas sexa "sostida" para poder xestionar a loxística de vacinación.
Ademais, Galicia entende que o criterio que debe primar na repartición de vacinas é a porcentaxe de persoas maiores de 65 anos de cada comunidade autónoma, dado que son as persoas máis vulnerables e cuxa vacinación é "prioritaria".
En Galicia, lembrou García Comesaña, hai máis de 750.000 maiores de 65 anos. Son o 25% da poboación total da comunidade.
Relacionadas:
-
Atrasan ao mércores o inicio da vacunación da covid-19 en Pontevedra
Por Redacción |
-
Ana Pastor reclama desde Pontevedra unha distribución "equitativa y rápida" da vacina
Por Redacción |
-
Nieves Cabo, primeira galega en recibir a vacina da covid-19: "Estou contentísima"
Por Alejandro Espiño |
-
Pontevedra chega a Noiteboa con 904 casos activos por covid-19 tras 60 novos contaxios
Por Alejandro Espiño |
-
Área sanitaria de Pontevedra: "preparámonos para unha repunta entre 7 e 14 días despois de Nadal"
Por María José Pita |
-
Feijóo anuncia que Galicia empezará a vacinar na "segunda semana de xaneiro" aos maiores en residencias
Por Oskar Viéitez |
-
A vacina da covid-19, gratuita e voluntaria: sanitarios e maiores en residencias serán os primeiros
Por Alejandro Espiño |