O PP de Poio impugna os acordos aprobados polo Pleno relativos á subida de impostos
Por Oskar Viéitez
O portavoz do PP de Poio Ángel Moldes vén de anunciar que o seu grupo municipal presentou por rexistro a impugnación dos acordos tomados no pasado Pleno relativos á subida do imposto de bens inmobles (IBI), e do imposto sobre vehículos de tracción mecánica (IVTM) "por estar os expedientes incompletos e por non cumprir coa lexislación vixente ao non incorporar o estudo técnico-económico".
Ángel Moldes afirmou que no PP "imos intentar por todos os medios que a subida do IBI e das ‘viñetas’ dos vehículos non se apliquen en Poio e por iso impugnamos estes dous acordos tomados polo Tripartito xa que o expediente non reúne cos requisitos esixidos pola lei".
Os populares aseguran que "existe a obriga legal, e así o acredita reiterada doutrina do Tribunal Supremo que insiste na necesidade de incorporar este estudo técnico-económico que o Tripartito non quixo incorporar pese a que o PP de Poio o solicitou na Comisión de Facenda previa ao Pleno".
Moldes engade que "este é o maior exemplo da falta de previsión do Tripartito xa que aplican subidas de impostos sen realizar ningún tipo de estudo nin previsión".
Por último os populares explican que esta impugnación ante ao Pleno do Concello é independente da denuncia formal ante aos Xulgados para anular ao recargo do 25% do IBI ás vivendas baleiras.
Relacionadas:
-
O Tribunal Superior de Xustiza de Galicia admite a trámite o recurso do PP de Poio contra a subida de impostos do Concello
Por Oskar Viéitez |
-
Intervención informa en contra da impugnación do PP de Poio contra as bonificacións do IBI e da viñeta
Por Oskar Viéitez |
-
Poio defende as bonificacións da nova ordenanza fiscal e acusa a oposición de "contaminar"
Por Redacción |
-
O PP de Poio convoca unha manifestación con vehículos contra a subida de impostos no concello
Por Oskar Viéitez |
-
O PP de Poio tentará tombar nos tribunais a subida do IBI aprobada polo Concello
Por Redacción |
-
O pleno de Poio saca adiante un axuste de impostos entre fortes críticas da oposición
Por Redacción |
-
Poio bonificará o IBI a familias numerosas, a viñeta a coches ecolóxicos e as herdanzas en vida
Por Redacción |