Os bombeiros de Pontevedra, entre potas e cornisas
Por Oskar Viéitez
O día a día dos bombeiros de cidades como Pontevedra ocúpase en gran parte en atender alertas por desprendementos de cornixas ou por potas esquecidas ao lume, así o recollen ano tras ano as memorias do servizo. Sucedeu de novo este xoves.
Os efectivos do parque municipal de Pontevedra acudiron ao número 66 da rúa Peregrina porque saía fume da ventá do segundo piso.
Ata o lugar do suceso desprazáronse dous camións de bombeiros e unha ambulancia, tal e como establece o protocolo de emerxencias neste tipo de alertas.
Resultado: Unha pota con leite quedara esquecida ao lume. Sen chamas, só fume. Unha vez ventilada a vivenda as emerxencias volveron á súa base.