Pontevedra volve pasar dos 150 casos activos de covid-19 e Poio e Marín superan os 50
Por Redacción
A incidencia da covid-19 aumenta de forma xeneralizada na área sanitaria de Pontevedra e O Salnés e nos concellos que fan públicos a diario os seus datos de casos activos. Segundo as cifras facilitadas pola Consellería de Sanidade aos propios municipios, entre aquelas localidades con restricións especiais, tan sólo en Bueu se produciu este domingo un descenso dos positivos.
En Bueu, en concreto, a xerencia da área sanitaria comunicoulles este domingo 10 de xaneiro que teñen 51 casos positivos por Covid-19, seis menos que o sábado.
En Pontevedra produciuse un novo incremento, ao igual que o sábado. Na vida do Lérez volve superarse os 150 casos activos, en concreto, 157, 11 máis que un día antes.
Tamén en Poio medraron os casos, chegando aos 53, oito máis que o sábado.
En Marín, a Consellería de Sanidade comunicou que hai 58 casos activos, un máis respecto a o sábado. .
En Sanxenxo os datos actualizados sinalan que este domingo hai 28 casos activos, un máis que o día anterior.
En Barro tamén hai un caso máis, situándose en 11 este domingo. A pesar de que a cifra é xa moi inferior á rexistrada a finais de decembro, preocupa que volva medrar.
Na comarca de Arousa tamén medran os casos. En Vilagarcía hai este domingo 92 casos activos, nove máis, e en Vilanova, 17, dous máis nunha xornada.
Relacionadas:
-
O Concello de Vilagarcía pide á cidadanía acatar as novas restricións e mostra o seu apoio a hostaleiros e comerciantes
Por Redacción |
-
Cinco falecementos por covid-19 en Galicia durante esta xornada, un deles en Montecelo
Por Redacción |
-
Medio centenar de novos positivos nun día na área sanitaria, que mantén 50 pacientes nos hospitais
Por Natalia Puga |
-
Dous novos falecidos por covid-19, dous pacientes de 69 e 77 anos ingresados en Montecelo
Por Natalia Puga |