A avaría nun transformador eléctrico deixa seis horas sen luz varías rúas na contorna da Praza de Touros
Por Redacción
As rúas Víctor Said Armesto, Campo da Torre, Almirante Matos e Paseo de Colón quedaban sen subministración de enerxía eléctrica durante esta noite do xoves ao venres debido a unha avaría nun transformador de enerxía.
Segundo a Policía Local de Pontevedra, a incidencia rexistrábase ao redor das 23.20 horas da noite deste xoves 14 e afectaba á contorna da Praza de Touros, no barrio de San Roque.
Desde a Xefatura da Policía Local alertábase á empresa subministradora do servizo, Naturgy, do apagamento. Segundo o departamento de comunicación da empresa, a avaría produciuse ao queimarse o transformador eléctrico por causas non determinadas.
Os operarios de Naturgy acudiron ata o lugar para restablecer o servizo e ao redor das 05.30 horas, segundo a información facilitada pola propia empresa, recuperábase a luz nas rúas afectadas pola avaría, que afectou a 740 clientes da compañía. Ao producirse en horario nocturno, non se rexistraron maiores incidencias por este novo apagamento eléctrico na cidade.
Relacionadas:
-
Un incendio nun poste eléctrico en Barosa deixa sen luz á aldea de Maquieira, en Barro
Por Manu Otero |
-
Naturgy alerta dun corte de luz este domingo na contorna de San Antoniño para "continuar mellorando a calidade do servizo"
Por Anxo Lourido |
-
Unha nova avaría deixa sen luz a 850 casas de Mourente, Marcón e Tomeza
Por Redacción |
-
Naturgy volve fallar: novo apagamento no centro urbano de Pontevedra
Por Oskar Viéitez & Cristina Saiz |