Sanidade centrará no Vao o seu primeiro cribado masivo en Poio
Por Alejandro Espiño
O brote de covid-19 detectado no Vao levou ás autoridades sanitarias a elixir esta zona de Poio para realizar o seu primeiro cribado masivo no municipio.
O xerente da área sanitaria de Pontevedra e O Salnés, José Ramón Gómez, confirmou este luns que se farán probas PCR a unhas 400 persoas, tanto residentes no poboado chabolista como nas áreas residenciais da zona.
Para iso, instalarase unha carpa nas inmediacións do local da asociación de veciños. Desde o Concello, a pedimento do Sergas, elaboraron unha listaxe con todos os empadroados no Vao para que sexan chamados para facer as probas.
Ademais, deseñouse un dispositivo de seguridade, no que participarán Policía Local e Protección Civil, para evitar posibles aglomeracións.
O alcalde de Poio, Luciano Sobral, recoñeceu que a incidencia da covid-19 no municipio está "desbordada" e que o crecemento diario de casos "é grande". Asegura que se prevé unha situación moito peor que na primeira onda da pandemia.
A día de hoxe hai 158 casos activos por covid-19 en Poio, 17 máis que onte.
"Hai que tomar medidas drásticas", sinalou o rexedor, que lle reclamou ao xerente que a este cribado no Vao, que se desenvolverá entre o martes e o mércores, síganlle iniciativas similares noutras zonas do municipio.
Sobral entende que a situación actual "require" que se fagan estes cribados de maneira "urxente" para frear un nivel de contaxios que as autoridades vinculan coas reunións familiares e sociais celebradas durante o pasado nadal.
Ante esta situación, o Concello de Poio pediu aos cidadáns que deban acudir ás súas dependencias para realizar algún tipo de xestión que pidan cita previa para evitar aglomeracións e reforzará todos os servizos nas rúas do municipio.
A maiores pecháronse todas as instalacións deportivas, incluído o ximnasio municipal, durante dez días; incrementaranse as limpezas e desinfeccións e retomáronse servizos que estiveron operativos durante o confinamento como a recollida de lixo a pacientes con covid-19 ou a compra de alimentos para persoas en corentena.
Tanto Luciano Sobral como José Ramón Gómez coincidiron no seu chamamento a que todos os cidadáns de Poio non saian de casa salvo para cuestións esenciais, que fagan unha redución drástica da súa mobilidade e que eviten todo tipo de interaccións sociais.
"Se somos capaces de facelo nas próximas semanas a situación irá mellor e senón seguirán incrementando os casos e a ocupación hospitalaria", concluíu o xerente da área sanitaria.
Relacionadas:
-
Máis do 21% das probas de cribado no Vao resultaron positivas por covid
Por Diego Espiño |
-
Campelo, pendente dun cribado: "hai familias enteiras confinadas, nenos no colexio confinados, moitísima xente"
Por Natalia Puga & Mónica Patxot |
-
"Ordenado" e "masivo" primeiro día do cribado de covid-19 no poboado do Vao
Por Natalia Puga & Mónica Patxot |
-
Poio fai súas as reivindicacións de SOS Sanidade para mellorar a atención sanitaria no municipio
Por Redacción |
-
Van intensificarse os labores de limpeza no exterior de centros educativos, farmacias, supermercados e centros de saúde
Por Redacción |
-
Pontevedra, A Lama, Meis e Moraña pasan a nivel máximo de restricións
Por Redacción |
-
Detectan varios positivos de covid-19 no instituto de neuro-rehabilitación de La Merced
Por Alejandro Espiño |
-
Preocupación polo incremento "constante" de pacientes covid nos hospitais de Pontevedra
Por Alejandro Espiño |
-
A Policía Local de Poio sanciona a 25 persoas por saltar o peche perimetral durante a fin de semana
Por Redacción |
-
Poio estuda implementar medidas diante do incremento dos contaxios
Por Oskar Viéitez | Creada e actualizada
-
Aumentan os positivos por covid no Poio Pescamar, que cambia a cancha polos adestramentos na casa
Por Almu Dapena |
-
O alcalde solicita un cribado masivo en Poio diante da situación de máxima alerta no municipio
Por Oskar Viéitez |