Pontevedra, A Lama, Meis e Moraña pasan a nivel máximo de restricións
Por Redacción
O comité clínico, que se reunía na tarde deste luns 18, decidía elevar ao nivel máximo de restricións aos principais municipios da provincia: Pontevedra e Vigo. A eles hai que sumar os Concellos da Lama, Meis, Moraña, Catoira e Forcarei. Os expertos consideran que é necesario este cambio atendendo á evolución epidemiolóxica da covid-19 nos últimos días.
A decisión de incrementar o nivel afecta a 56 municipios de Galicia. Desta forma, a partir desta decisión que será explicada por Julio García Comesaña, conselleiro de Sanidade, na mañá deste martes, actualmente 116 municipios da comunidade atópanse nese nivel máximo de restricións. Esta decisión afecta ao 72% da poboación galega.
Con estas restricións, o máximo de persoas por reunión de non conviventes é de catro persoas; a hostalería deberá pechar ás 18.00 horas e a capacidade nas terrazas deberá establecerse no 50%. O límite de capacidade en actividades culturais e deportivas é de 250 persoas en actividades de interior e 500 nas de exterior, segundo decretaba a Xunta de Galicia.
Continúan os peches perimetrais e as autoridades sanitarias insisten en que a poboación reduza as saídas unicamente para realizar actividades necesarias: atención médica, colexio, traballo (recoméndase que preferiblemente se realice de maneira telemática), coidado de maiores e menores, ademais da compra de produtos indispensables.
Relacionadas:
-
A Lama mantén o dispositivo de atención a domicilio para cubrir as necesidades de veciños confinados ou dependentes
Por Redacción |
-
Deporte federado, ximnasios, hostalería... así quedan as restricións a partir deste xoves
Por Natalia Puga & Mónica Patxot |
-
Núñez Feijóo advirte dunha semana "especialmente dura" e pide "vía libre" para o toque de queda ás oito
Por Alejandro Espiño |
-
Moraña pon en marcha un protocolo especial para cumprir co nivel máximo de restricións
Por Redacción |
-
A cidade de Pontevedra sobe aos 259 casos activos con 1.971 contactos en seguimento
Por Oskar Viéitez | Creada e actualizada
-
Unha muller de 57 anos, primeira falecida por covid en Montecelo sen que se lle coñeceran enfermidades previas
Por Redacción |
-
Preocupación polo incremento "constante" de pacientes covid nos hospitais de Pontevedra
Por Alejandro Espiño |
-
Sanidade centrará no Vao o seu primeiro cribado masivo en Poio
Por Alejandro Espiño |
-
Os contaxios, en cifras máximas con 125 casos novos na área sanitaria
Por Oskar Viéitez |