A Deputación impulsará actividades para compensar as emisións de carbono
Por Redacción
A Deputación de Pontevedra súmase ao proxecto de 'Cálculo de pegadas de carbono e proxectos de absorción' que impulsa a Rede Española de Cidades polo Clima da Federación Española de Municipios e Provincias (FEMP).
Carmela Silva, presidenta provincial, considera que esta proposta forma parte da aposta da institución para traballar pola sustentabilidade e dar cumprimento aos retos da Axenda 2030. A idea é dar un paso máis para implicar a outras áreas da Deputación o que xa se está desenvolvendo no Pazo Provincial co rexistro de consumos no marco do sistema de Xestión Ambiental.
A Rede polo Clima da FEMP rexistrará a pegada de carbono que xera a Deputación e despois van desenvolverse actividades que permitan compensar as emisións. Analizarase primeiro a pegada de carbono xerado pola institución provincial co estudo dos datos de consumo das súas instalacións tanto relacionados co gasto eléctrico como de gasóleo e outros combustibles. Tamén se analizará o gasto de papel e a xestión de residuos.
Poñerase en marcha un plan para rebaixar o consumo de electricidade, calefacción e papel, ademais de fomentar o transporte público. Tamén está previsto desenvolver repoboacións forestais ou con actuacións en zonas incendiadas para o restablecemento da masa forestal.
Relacionadas:
-
A Deputación estará presente en dous foros en Mallorca e Sevilla sobre desenvolvemento sostible e axenda urbana
Por Redacción |
-
Recuperan os montes de Caldas cun proxecto de compensación de carbono
Por Oskar Viéitez |
-
Carmela Silva defende a importancia da administración local no cumprimento da Axenda 2030
Por Oskar Viéitez |
-
A Deputación convoca o concurso ‘Reacción polo Clima’ para pezas audivisuais de xente nova
Por Noticia patrocinada |
-
Nace a "Alianza local polos 17 Obxectivos de Desenvolvemento Sostible"
Por Oskar Viéitez |