Bueu anuncia melloras no parque empresarial de Castiñeiras
Por Redacción
O alcalde de Bueu, Félix Juncal, e a concelleira de promoción económica e turismo, Silvia Carballo, mantiveron este luns unha reunión con Rodrigo Pastoriza, o xerente da Federación de Comerciantes e Industriais do Morrazo, e Pablo Pazos, o presidente da Asociación de Empresarios de Castiñeiras.
Neste encontro, os representantes do sector empresarial expuxeron as súas demandas sobre as actuacións que consideran necesarias para o parque empresarial de Castiñeiras.
O goberno local comprometeuse a estudar estas obras de mellora durante os próximos meses con vistas a poder implementalas.
A edil de promoción económica adianta que "a idea é continuar coa ampliación da sinalización e crear unha bolsa de aparcadoiro público nunha das parcelas municipais, ademais de crear zonas verdes".
Estas actuacións únense ás que o Concello leva acometido neste espazo nos últimos anos. En concreto, en Castiñeiras melloráronse as beirarrúas nun treito de máis de dous quilómetros, instalouse iluminación LED e axardináronse as rotondas, entre outras actuacións.
Relacionadas:
-
Bueu ampliará os aparcadoiros do parque empresarial de Castiñeiras
Por Redacción |
-
Bueu mellora pasos de peóns, vaos e sinais
Por Redacción |
-
Bueu inicia o axardinamento da rotonda do polígono de Castiñeiras
Por Redacción |
-
Novas beirarrúas para o parque empresarial de Castiñeiras, en Bueu
Por Redacción |
-
Comezan as obras de mellora das beirarrúas do Polígono Industrial de Castiñeiras
Por Redacción |
-
60.000 euros para mellorar a iluminación no polígono de Castiñeiras e no casco urbano de Bueu
Por Redacción |