O Sergas fará un cribado xeral en Poio diante do avance da covid-19
Por Oskar Viéitez
O xerente da área sanitaria de Pontevedra e O Salnés, José Ramón Gómez, comunicou ao alcalde de Poio, Luciano Sobral, que o Servizo Galego de Saúde (Sergas) confirmou que esta semana levará a cabo un cribado da poboación do municipio.
As mostras PCR tomaranse nun único punto, que aínda está por determinar do mesmo xeito que a data exacta na que levará a cabo.
A diferenza do sistema aplicado noutros concellos, en Poio non se citará á poboación por franxas de idade senón que será a nivel xeral seguindo o padrón municipal, co obxectivo de chegar a unha maior cantidade de xente.
Como xa sucedeu co cribado feito no poboado do Vao, o alcalde puxo ao Concello ao dispor do Sergas "para colaborar en todo o que sexa necesario á hora de organizar esta medida, moi necesaria para descubrir posibles casos asintomáticos".
O xerente da área sanitaria tamén informou que Poio ten 364 casos activos de covid-19, son 24 máis que o domingo.
Durante os últimos días a Policía Local despregou controis de mobilidade, sobre todo na contorna do Vao e da Barca sen que se rexistrasen incidencias.
Os axentes municipais tamén seguen colaborando activamente co Sergas á hora de localizar a persoas coas que se precisa contactar nos rastreos e no dispositivo activado polo Concello para auxiliar a persoas en corentena que precisen dalgún servizo.
Relacionadas:
-
Máis do 21% das probas de cribado no Vao resultaron positivas por covid
Por Diego Espiño |
-
Todos os traballadores e usuarios das residencias da área sanitaria recibieron a segunda dose da vacina
Por Redacción |
-
Masiva asistencia da veciñanza de Poio ao cribado organizado por Sanidade na Seca
Por Redacción & Cristina Saiz |
-
Sanidade fará un cribado masivo na poboación de 40 a 79 anos de Ponte Caldelas
Por Redacción |
-
Sanidade convoca a 9.000 veciños de Poio para o cribado que fará na Seca
Por Oskar Viéitez |
-
Detectan dezaseis positivos no cribado por PCR entre o marisqueo da ría de Pontevedra
Por Redacción |
-
Un gromo de covid-19 en Medicina Interna de Montecelo afecta once sanitarios e seis pacientes
Por Alejandro Espiño & Natalia Puga |
-
Continúa a escalada: 216 novos contaxios por covid-19 na área sanitaria nas últimas horas
Por Redacción |
-
Dúas de cada tres sancións en Pontevedra son por saltar o peche perimetral
Por Alejandro Espiño |
-
Multan o propietario dun bar de San Salvador de Poio por superar o 50% da capacidade
Por Redacción |
-
A Policía Local de Poio amplía os controis do peche perimetral e centran a atención na Barca e os accesos ao Vao
Por Redacción |
-
Os negocios de Poio adiantan a hora de peche para fomentar o confinamento e frear os contaxios
Por Manu Otero |