Dez denuncias en Poio por incumprir as restricións vixentes, cinco por saltar o peche perimetral
Por Oskar Viéitez
A Policía Local de Poio tramitou durante a pasada fin de semana un total de dez denuncias por incumprimento das restricións vixentes.
Segundo informa o Concello de Poio, os axentes municipais interceptaron cinco vehículos que se saltaron o peche perimetral sen a pertinente xustificación. Todos eles foron localizados nas inmediacións da ponte da Barca e na Avenida de Andurique.
A estas infraccións hai que sumarlles outras cinco tramitadas a persoas que non levaban posta a máscara.
DANOS NUN CARTEL
Por último, a Policía Local participou nun operativo desenvolvido na tarde do pasado domingo, como consecuencia do temporal. As rachas de vento provocaron danos nun cartel de grandes dimensións do supermercado DIA situado na parroquia de San Xoán.
Ademais de dar aviso á empresa para o seu arranxo, procedeuse a instalar un perímetro de seguridade, a modo de precaución. Tamén participaron neste operativo os Bombeiros do Salnés.
Relacionadas:
-
Tramitadas 24 denuncias por saltar o peche perimetral nun control conxunto das policías locais de Pontevedra e Poio
Por Diego Espiño |
-
Sorprenden 'in fraganti' un hostaleiro de Combarro servindo bebidas dentro do seu local
Por Redacción |
-
Salta o peche perimetral de Poio e acaba denunciado por conducir drogado, sen seguro e sen ITV
Por Redacción |
-
Multas en Poio por saltarse o peche perimetral para ir ao Centro Comercial A Barca
Por Oskar Viéitez |