O sector comercial analiza co concelleiro o proxecto de reforma da praza de Barcelos
Por Redacción
O concelleiro de Obras Demetrio Gómez cualifica dun encontro cun bo clima de colaboración a reunión que mantiña, de maneira telemática, con representantes empresariais e do comercio da contorna da praza de Barcelos para mostrarlles as liñas básicas do proxecto de reforma deste espazo.
Durante esta entrevista en liña, Demetrio Gómez trasladaba os principais aspectos que contempla a reforma, facendo fincapé na nova distribución de espazos e na circulación perimetral da praza. Sinalou que estes cambios favorecerán a actividade comercial nos establecementos.
Ademais, durante o encontro tratouse tamén a liña básica do proxecto que contempla a creación de máis espazos verdes e máis zonas de sombra, cun redeseño da área de xogos infantís e das zonas deportivas. Neste sentido, indicou que o obxectivo é que os escaparates dos negocios sexan visibles desde os diferentes puntos da praza.
O concelleiro recolleu as demandas dos representantes empresariais nesta reunión que se engloba na rolda de contactos que vén mantendo coa Federación de veciños Castelao, coa Asociación de veciños do Burgo e coa Asociación Amizade, para analizar os detalles desta obra.
Relacionadas:
-
O transformador de Barcelos cambiará de sitio coa reforma perimetral da praza
Por Alejandro Espiño |
-
As asociacións veciñais de Castelao só aceptarán o peche de Raíña Vitoria se hai un proxecto "obxectivo"
Por Manu Otero |
-
A reforma de Barcelos comezará polo vial de circulación perimetral
Por Alejandro Espiño |
-
Estudarán incluír unha área para xogos tradicionais na futura reforma da praza de Barcelos
Por Redacción |
-
O Concello cita os veciños de Barcelos a unha reunión en liña para explicar a reforma da praza
Por Redacción |
-
O Concello traslada a Amizade os detalles da reforma urbana de Barcelos e a rúa Santiña
Por Redacción |
-
A comunidade escolar achegará suxerencias á reforma da praza de Barcelos
Por Redacción |
-
Novas áreas de xogos, máis zonas verdes e un único carril perimetral: Así será a futura Plaza de Barcelos
Por Alejandro Espiño |