A área sanitaria mantense por riba do cento de contaxios diarios de covid, con 2.526 casos activos
Por Diego Espiño
Descenso por terceira xornada consecutiva no número de casos activos de coronavirus na área Sanitaria de Pontevedra e O Salnés, aínda que unha baixada máis lenta da que empeza a experimentar o resto de Galicia, e é que a pontevedresa é a área que menos descende as súas cifras na actualización de datos do Servizo Galego de Saúde este domingo 7 de febreiro.
Segundo esas cifras, os casos activos de covid sitúanse nos 2.526, é dicir, 36 menos que o sábado a pesar de que os contaxios detectados seguen superando o cento diario. Nesta ocasión contabilizáronse 112 novas infeccións, aínda que ao ser unha cifra inferior ás altas epidemiolóxicas producidas (148) supón un lixeiro descenso.
Onde apenas non se producen cambios é na presión hospitalaria, con dous pacientes menos ingresados, 128 en total, ao baixar nun ingreso a ocupación da Unidade de Coidados Intensivos (UCI), con 23 afectados, e tamén nunha as persoas positivas en covid ingresadas en planta (105), repartidas entre o Complexo Hospitalario Universitario de Pontevedra (83), o Hospital QuirónSalud Miguel Domínguez (11) e o Hospital do Salnés (11).
Desde o inicio da pandemia superaron a covid na área pontevedresa 8.598 persoas, falecendo 128 persoas coa infección activa.
En canto a realización de probas PCR, nas últimas 24 horas fixéronse 996 que se engaden ás 149.151 efectuadas con anterioridade.
DATOS DE GALICIA
Na última actualización, o número de casos activos de coronavirus en Galicia é de 19.966, o que supón un descenso de 921 nas últimas horas. Por orde, as áreas con maior afectación son A Coruña con 5.319 (-223), seguida de Vigo 3.301 (-168), Santiago 3.023 (-160), Pontevedra 2.526 (-36), Ourense 2.240 (-169), Lugo 1.863 (-94) e Ferrol 1.694 (-71).
Do total de persoas positivas, 248 están en UCI (+1) e 1.026 en unidades de hospitalización (-10). Ata o momento, en Galicia hai un total de 82.275 persoas que superaron a infección (+1.738), rexistrándose 1.950 falecementos asociados ao virus, dos cales 16 foron contabilizados no último día.
Relacionadas:
-
Dous novos falecementos aumentan a 130 as mortes de pacientes covid na área sanitaria
Por Diego Espiño |
-
O elevado número de altas fai baixar os casos activos na área sanitaria a pesar de sumar 91 novos contaxios
Por Diego Espiño |
-
Caen a 59 os contaxios diarios por covid na área sanitaria pero sobe a hospitalización
Por Diego Espiño |
-
Moraña volve exceder o limiar dos 1.000 de incidencia acumulada uníndose a Poio, Sanxenxo e Soutomaior
Por Redacción |
-
A presión hospitalaria empeza a descender lentamente na área sanitaria, con 24 pacientes covid na UCI
Por Diego Espiño |
-
Sanidade comunica a morte de catro homes por covid en Montecelo, un deles de só 31 anos
Por Mónica Patxot & Anxo Lourido |
-
A área sanitaria reduce os casos activos por primeira vez en catro semanas
Por Oskar Viéitez |
-
Cinco novas mortes por covid en Montecelo e Galicia eleva a 1910 os falecementos pola pandemia
Por Redacción |
-
2.613 casos activos e 140 hospitalizados pola covid-19 na área sanitaria, tras 115 novos contaxios
Por Alejandro Espiño |