Cubela volve insistir na necesaria mellora da estrada de Almofrei tras un ano esperando polo novo proxecto da Deputación
Por Redacción
O alcalde de Cerdedo-Cotobade, Jorge Cubela, lembrou este luns que o Concello leva máis dun ano esperando o novo "e ansiado" proxecto de mellora da estrada de Almofrei, despois de que o goberno da Deputación Provincial cancelara a obra que xa estaba contratada para este vial, e volveu insistir na necesidade deste proxecto.
O rexedor amosouse "disposto a tender pontes" coa Deputación de Pontevedra, á que acusa de cancelar "unilateralmente" a obra xa contratada polo anterior goberno para a EP-0405.
Cubela enviou unha carta á veciñanza de Almofrei explicándolles que están nun momento de 'impass' con este proxecto pola "inacción resolutiva" da Deputación de Pontevedra e que o Bipartito cancelou este proxecto e o Concello amosou o seu rexeitamento. Finalmente, en xaneiro do 2020, durante a inauguración da Praza da Chan, os responsables da Deputación manifestaran o seu compromiso de presentar un novo anteproxecto e o alcalde lembra que pasou máis dun ano e "seguimos agardando".
O alcalde asegura que mantén "en todo momento" un "talante aberto e construtivo" e que non deixa de lado a xestión e intermediación para lograr que Almofrei teña canto antes un anteproxecto "serio e contrastado" para a EP-0405, que responda ás necesidades da veciñanza desde un punto de vista de seguridade vial, dotación orzamentaria e urxencia na súa execución.
Tras insistir en que, despois de todo un ano de espera, "seguimos sen noticias por parte da Deputación, agás que están traballando no tema", Cubela insiste ante os veciños en que poden ter a "completa seguridade" de que o Concello e el mesmo están pendentes e dispostos a abrir calquera canle de diálogo co único obxectivo de conseguir para os veciños "o que é de xustiza".
Relacionadas:
-
Recollida de sinaturas de cesión dos terreos para a execución da obra na estrada de Almofrei
Por Redacción |
-
A Deputación redacta un proxecto dun millón de euros para humanizar a estrada de Almofrei
Por Redacción |
-
A estrada de Almofrei terá tres tramos de sendas peonís e dous con plataforma elevada
Por Redacción |
-
Sacan a concurso a reforma do Centro Sociocultural de Corredoira, edificio incautado polo franquismo
Por Andrea Sánchez Barreno |
-
A Deputación traslada ao alcalde o novo proxecto para a estrada Xesteira-Almofrei
Por Redacción |
-
Cubela quere que a Deputación recolla as demandas veciñais no novo proxecto da estrada de Almofrei
Por Redacción |
-
A Deputación dá os primeiros pasos do novo proxecto para a estrada provincial entre Xesteira e Almofrei
Por Redacción |
-
Cotobade estrea a humanización do núcleo da Chan
Por Redacción |