Salcedo e Defensa móstranse optimistas coa posibilidade de alcanzar un acordo polo canon da Brilat
Por Oskar Viéitez
"Eu creo que pode ser unha reunión, se non definitiva, pois practicamente definitiva," así de optimista mostrouse o presidente da Comunidade de Montes de Salcedo, Fernando Pintos, tras o encontro mantido este mércores co xeneral de División, José Manuel Gordillo Álvarez-Valdés, Subdirector de Patrimonio do Ministerio de Defensa na negociación polo canon dos terreos que ocupa a Brigada Lixeira Aerotransportable (Brilat). Igualmente fontes oficiais do Ministerio de Defensa trasladaron a súa satisfacción ao remate dos encontros "han ido bien, estamos avanzando", dixeron.
"A reunión foi correcta, como deben ser ás reunións, de debate sobre todos os temas e respectándose", sinalou Pintos, tras recordar que o deste mércores é o quinto encontro que mantén a comunidade de Salcedo e que xa coñecían ao seu interlocutor doutras dúas reunións anteriores en Madrid.
Sobre a mesa de negociación, os comuneros puxeron "dúas cantidades", e agora agardan que chegue unha resposta por parte de Defensa, "estamos pendentes de que nola traian, pero o prazo e curto. No momento en que nola dea decidiremos. Pensamos que pode haber acordo se nos dan a resposta que nos queremos".
Fernando Pintos recordou que o canon vai ser o mesmo para as catro comunidades e que a superficie tamén se vai manter "van respectar ás nosas 60 hectáreas".
Os voceiros de Defensa pediron aos comuneros que non fixeran públicos os prezos que están a negociar ata que llelo comuniquen a Madrid "para que non haxa malos entendidos como a outra vez".
Sobre este último aspecto, Pintos sinalou que "aclaramos o malentendido, din que foi un erro por parte dás persoas que viñeron aquí, que deron unha cifra que non deberon dar".
Este mércores a Salcedo, ao igual que ao resto de comunidades tamén se lles ofreceu 0,15 euros por metro cadrado, ou o que é o mesmo 1.500 euros por hectárea, "pero como a nos xa nos ofreceran 0,20 agora andan outras cantidades polo medio que son ás que nos agardamos resposta", dixo Fernando Pintos.
VILABOA
Antes de Salcedo, a primeira hora da mañá acudiu á Subdelegación de Defensa na Alameda de Pontevedra, a directiva da comunidade de Vilaboa. Á saída, o presidente dos comuneros, Xabier Míguez, tamén valorou o encontro como "moi positivo" e destacou a súa "cordialidade".
O exalcalde de Vilaboa tamén desvelou a cantidade ofrecida polos negociadores do Exército, "0,15 euros pero no pedimos 0,20 euros por metro cadrado", sinalou Míguez, o contido desta reunión será analizado pola xunta reitora e despois pola asemblea.