Novas sesións sobre compostaxe nos centros educativos
Por Redacción
Tres centros do municipio participan esta última semana de febreiro nas actividades do Plan Revitaliza, que impulsa a Deputación de Pontevedra, ao que se atopa adherido o Concello de Poio.
A proposta contempla charlas e actividades de lecer educativo para difundir os beneficios do tratamento do lixo orgánico. Integrantes do Centro de Extensión Universitaria e Divulgación Ambiental de Galicia (CEIDA) son os encargados de desenvolver estas accións.
Este luns comezaron no IES de Poio con iniciativas como unha sesión na que se explican as pautas para identificar invertebrados presentes nun composteiro e coñecer as súas funcións no proceso.
Este martes, a actividade trasládase ao CEIP Chancelas, onde a través do Xogo da Miñoca, mostrarase ao alumnado de Primaria como este procedemento é beneficioso desde un punto de vista ambiental. O CEIP de Lourido acollerá as sesións o mércores e o xoves, que xa contou cunha sesión de montaxe dun composteiro. O venres finalizarán as sesións, de novo, no CEIP Chancelas.
Relacionadas:
-
Ludotecas e campamentos de verán volverán xogar e aprender coa compostaxe
Por Redacción |
-
Xa funciona o segundo centro de compostaxe comunitario da parroquia de San Salvador
Por Redacción |
-
A Deputación lanza novas axudas aos concellos para contratar mestres compostadores
Por Oskar Viéitez |
-
O alumnado de Poio aprende como o lixo orgánico se converte en compost
Por Redacción |
-
O Revitaliza modificará a súa ordenanza de compostaxe local
Por Redacción |
-
Poio amplía o composteiro de Ferreirós e colocará novos en San Salvador
Por Redacción |
-
A pandemia tamén "complicou" os plans da Deputación para implantar a compostaxe
Por Oskar Viéitez |
-
O Plan Revitaliza volve ás aulas tras as festas con obradoiros didácticos sobre compostaxe
Por Redacción |
-
Máis de 8.000 escolares participaron este 2020 en actividades do Plan Revitaliza
Por Redacción |