Un home de 53 e unha muller de 90 anos, novas vítimas da covid-19 no Hospital Montecelo
Por Redacción
Un home de 53 anos e unha muller de 90, que falecían no Hospital Montecelo o mércores 24 e cuxas mortes eran notificadas este xoves 25, elevan a 153 o número de decesos na área sanitaria de Pontevedra e O Salnés desde o inicio da pandemia.
Segundo os datos ofrecidos pola Consellería de Sanidade, ambos os pacientes contaban con enfermidades previas antes de infectarse co virus que lles causou a morte. Nas últimas horas tamén se notificou a morte dun home de 80 anos e dúas mulleres, de 83 e 95, falecidos en Montecelo, ademais dun home de 80 no Hospital do Salnés.
Desde o inicio do plan de contixencia, ademais destas 153 mortes, curáronse 11.164 pacientes na área sanitaria de Pontevedra e O Salnés.
GALICIA
Ademais destas dúas mortes durante o mércores, este xoves a Consellería de Sanidade notificou outras seis mortes durante o últimos tres días de persoas diagnosticadas por coronavirus.
O 23 de febreiro faleceu un home de 88 anos, no Hospital Álvaro Cunqueiro de Vigo, procedente da Residencia Castro lareira de Salceda de Caselas. A este caso súmase, o dun home de 91 anos, que perdía a vida no seu domicilio no Concello de Arteixo.
O mércores 24 faleceron tamén dúas mulleres, de 76 e 87 anos, no Complexo Hospitalario da Coruña e un home, de 74 anos, no Hospital Lucus Augusti de Lugo.
Durante este xoves 25, ata o momento, só notificouse a morte dun home de 75 anos, no Complexo Hospitalario Universitario de Santiago de Compostela.
Todas as vítimas notificadas nesta xornada contaban con outras enfermidades previas a infectarse coa covid-19.
Coas oito novas vítimas, o número de persoas falecidas en Galicia desde o inicio da pandemia ascende a 2.213 persoas.
Relacionadas:
-
Un home de 70 anos, vítima 154 da pandemia na área sanitaria de Pontevedra e O Salnés
Por Redacción |
-
Un repunte nos casos en Ponte Caldelas e Soutomaior fai que ambos superen a 'liña vermella'
Por Redacción |
-
Baixa a presión asistencial por covid-19 nos hospitais da área sanitaria nas últimas 24 horas
Por Mónica Patxot & Anxo Lourido |
-
Nove municipios da área sanitaria teñen xa unha incidencia menor a 150
Por Redacción |
-
A área sanitaria ten 884 casos activos por covid-19, catorce deles pacientes en críticos
Por Alejandro Espiño |
-
Soben os casos activos en Sanxenxo e Pontevedra aínda que a maior incidencia está na Lama e Ponte Caldelas
Por Alejandro Espiño |
-
Baixan a 49 os pacientes covid hospitalizados na área sanitaria
Por Oskar Viéitez |
-
Catro mortes por covid-19 na área sanitaria elevan a 151 o número de falecidos nos hospitais de Pontevedra e O Salnés
Por Redacción |