Zona Franca mostra o seu apoio para que Extrugasa se instale no polígono cuntiense da Ran
Por Redacción
O delegado da Zona Franca de Vigo, David Regades, visitou este venres xunto á xerente de Chan Empresarial do Atlántico, Beatriz Sestayo; e o alcalde de Cuntis, Manuel Campos, as instalacións de Extrugasa, en Valga, acompañados do seu CEO, Francisco Quintá. Coa visita, o delegado do Estado quixo mostrar o seu apoio a que a firma de aluminio logre espazo na área industrial da Ran, en Cuntis, onde a compañía prevé ampliar a súa superficie cun investimento de 15 millóns de euros.
David Regades asegurou que “o desenvolvemento de chan industrial está no ADN de Zona Franca e o noso compromiso demóstrase cos seis millóns de metros cadrados que temos ao dispor das empresas” e no caso de Extrugasa “estamos a traballar con Suelo Empresarial do Atlántico e o Concello de Cuntis para acelerar a implantación desta compañía na Ran”.
Zona Franca vén traballando desde hai meses co Concello de Cuntis para que a firma de aluminio dea o paso de iniciar a súa actividade nun parque empresarial que xa suscitou o interese de máis empresas para a súa primeira fase, tanto polas conexións como pola súa situación, a só 7 quilómetros da AP-9 e á beira da N-640.
O Consorcio e Suelo Empresarial do Atlántico xa veñen colaborando na elaboración do Primeiro Plan Estratéxico de SEA, no que Zona Franca achega a súa experiencia no ámbito da promoción empresarial e industrial, ademais de na atracción de investidores en ámbitos comúns.
A Zona Franca é o principal organismo impulsor de chan industrial no sur de Galicia, con 6 millóns de metros cadrados. A súa incidencia no tecido económico reflíctese no dato de que unha de cada catro persoas que traballa na área de Vigo faino nalgún dos parques empresariais de Zona Franca, que contan con 670 empresas instaladas.
Relacionadas:
-
O goberno local de Cuntis acusa ao PP de intentar "boicotear" o Polígono de A Ran
Por Redacción |
-
Novo paso adiante para o desenvolvemento industrial do polígono da Ran
Por Redacción |
-
Desbloquean o futuro polígono da Ran tras dar luz verde ao seu desenvolvemento
Por Redacción |
-
Xestur analiza as ofertas de 20 empresas pola compra de solo industrial a prezo bonificado
Por Oskar Viéitez |
-
Unha empresa do sector do aluminio investirá 15 millóns de euros para instalarse no polígono de Cuntis
Por Redacción |