Dous hospitalizados menos por covid na área sanitaria, con 11 ingresados en planta e 7 pacientes na UCI
Por Diego Espiño
A Área Sanitaria de Pontevedra e O Salnés mantén a súa tendencia á baixa en relación á afectación da covid, aínda que cun ritmo de baixada moito menor que en xornadas precedentes.
Segundo a actualización de datos realizada polo Servizo Galego de Saúde ás 10.00 horas deste xoves 18 de marzo, os casos activos na área pontevedresa sitúase nos 212, o que supón 10 menos que o mércores.
O nivel de contaxios estabilízase na contorna da decena, detectándose por segundo día consecutivo 11 novos positivos, aínda que esta cifra segue sendo inferior ás altas epidemiolóxicas, con 21.
O balance reflicte á súa vez unha caída nas hospitalizacións, con dúas persoas menos ingresadas. En total son 18, das que 11 atópanse en planta repartidos entre o Complexo Hospitalario Universitario de Pontevedra (11) e o Hospital do Salnés (1), mentres que na Unidade de Coidados Intensivos evolucionan 7 pacientes, sen cambios.
Desde o inicio da pandemia superaron a infección 12.213 persoas en Pontevedra e O Salnés, rexistrándose 161 falecementos de pacientes con positivo activo.
DATOS DE GALICIA
A nivel autonómico o número de casos activos de coronavirus é este xoves de 2.586, o que supón 72 menos que a xornada anterior.
En Galicia permanecen ingresadas nunha planta hospitalaria 214 persoas (21 menos) e 57 atópanse na UCI (unha menos). Os falecementos na comunidade son 2.310, tras sumar catro máis nas últimas 24 horas.
Relacionadas:
-
Repuntan lixeiramente os contaxios na área sanitaria de Pontevedra
Por Alejandro Espiño |
-
O ritmo na baixada nos casos activos de covid fréase na área sanitaria, con 20 hospitalizados
Por Diego Espiño |
-
O Hospital Montecelo suma unha nova vítima pola covid, un home de 85 anos
Por Redacción |
-
As hospitalizacións por covid caen lentamente na área sanitaria, con 230 casos activos
Por Diego Espiño |
-
Os casos activos por covid-19 baixan a 244, dos que 25 siguen hospitalizados
Por Alejandro Espiño |