Xornada de estabilidade na área sanitaria onde se manteñen 20 pacientes ingresados por coronavirus
Por Redacción
Continúa un paciente covid en Coidados Críticos do Complexo Hospitalario Universitario de Pontevedra, unha persoa permanece ingresada no Hospital do Salnés e 18 están en planta de Montecelo, un menos que o luns.
Nas últimas horas detectáronse 9 casos novos confirmados nas 250 probas PCR realizadas.
A área sanitaria de Pontevedra e O Salnés conta con 218 casos covid, un máis que o luns. Destes pacientes, 198 recupéranse nas súas vivendas. Nas últimas horas falecía un home de 76 anos, que presentaba enfermidades previas, no Hospital Montecelo, elevando o número de vítimas da pandemia nestes hospitais da zona a 162 persoas. Curáronse 12.371 pacientes desde o inicio do plan de continxencia, 14 máis na última xornada.
Na cidade de Pontevedra o número de casos con covid sitúase en 51 pacientes, dous máis na última xornada. A incidencia acumulada na cidade de Pontevedra a 7 días é de 27,38 por 100.000 habitantes, mentres que a cifra a 14 días sitúase en 53,57.
DATOS EN GALICIA
Nas últimas 24 horas detectáronse 107 casos novos na comunidade autónoma, 26 menos que durante a xornada do luns. Na última semana, o número de novos positivos sitúase en 924 persoas.
Dúas persoas faleceron durante as últimas horas por coronavirus, unha delas no Hospital Montecelo e o número de decesos en Galicia ascende a 2.336 desde o inicio da pandemia.
O número de casos activos este martes atópase en 2.307 persoas, 20 positivos menos que na xornada anterior. 207 mantéñense nas plantas de hospitais de Galicia, un máis que o luns e 26 atópanse en Unidades de Coidados Críticos, un menos que o día 29.
Comeza a ser preocupante a situación na área sanitaria de Vigo onde se rexistran 589 casos activos, 15 máis nas últimas horas, que levou ao alcalde Abel Caballero a demandar a la cidadanía o cumprimento das normas sanitarias.
112.233 persoas curáronse da enfermidade en Galicia durante o último ano, 125 deles nas últimas horas. A incidencia acumulada durante os últimos 7 días na comunidade se sitúa en 34,24 (+0,6), mentres que a 14 días se establece en 69,19 (-0,6).
Relacionadas:
-
Aumentan a 213 o número de casos activos por covid-19 na área sanitaria antes da chegada dos festivos
Por Redacción |
-
Unha muller de 94 anos, vítima 163 da pandemia na área sanitaria
Por Redacción |
-
Sanxenxo manterase toda a Semana Santa no nivel alto de restricións
Por Redacción |
-
A morte dun home de 76 anos trunca case dúas semanas sen falecidos por covid-19 en Pontevedra
Por Alejandro Espiño |
-
Continúa unha lenta progresión ascendente de casos activos con 217 positivos na área sanitaria
Por Redacción |
-
Tres casos activos máis na área sanitaria durante las últimas 24 horas
Por Cristina Saiz & Anxo Lourido |