Combarro e Raxó, puntos claves da vixilancia da Policía Local de Poio para evitar incumprimentos do límite perimetral
Por Redacción
Axentes da Policía Local de Poio manteñen un traballo intensivo para controlar as entradas e saídas do municipio durante esta Semana Santa coa intención de controlar a persoas que se saltaran os peches perimetrais das autonomías coa intención de acudir a segundas residencias ou a vivendas doutros familiares.
Segundo informan desde a Xefatura de Policía ata este Xoves Santo realizáronse máis de 500 inspeccións en vehículos e identificáronse a 67 persoas cunha especial vixilancia nas zonas de Combarro e Raxó, ao ser os puntos tradicionalmente máis turísticos de Poio. Ao longo do que resta de semana manteranse estes controis.
Nestas accións diarias recóllense evidencias dos xustificantes de desprazamento que presentan as persoas que proceden doutras localidades fóra de Galicia para realizar as comprobacións pertinentes e verificar que a documentación é auténtica.
Tamén se realizan inspeccións de autocaravanas nas zonas habilitadas para aparcamento na Seca. Ata o momento non se detectaron residentes noutras comunidades.
Ademais, os axentes realizan vixilancia nos establecementos de hostalería, en moitos casos a pedimento dos propietarios dos locais para verificar o cumprimento das medidas restritivas. Moitos dos profesionais da hostalería están a reabrir estes días despois de meses nos que se viron obrigados ao peche. Durante estes días, a Policía Local inspeccionou trece novos establecementos abertos. En todos eles, os hostaleiros cumprían coas medidas sanitarias establecidas.
A estes locais súmanse os furanchos, que comezaron a abrirse no municipio. Ata o momento, esa actividade tamén se está desenvolvendo de maneira correcta.
Relacionadas:
-
Un condutor con menos de tres meses de carné sofre un accidente en Poio e cuadriplica a taxa de alcol
Por Natalia Puga |
-
A palabra 'Sanxenso' axuda á Policía Local a detectar o xustificante falso dun logróñés que estaba de vacacións en Raxó
Por Anxo Lourido |
-
Denuncian unha madrileña e un canario en Marín por saltarse o peche perimetral
Por Redacción |
-
Propoñen para sanción a Leopoldo López, líder opositor en Venezuela, visto nunha terraza de Cambados
Por Alejandro Espiño | Creada e actualizada
-
Sanidade desbota un peche perimetral de Sanxenxo malia que en 7 días triplicou o número de casos activos
Por Anxo Lourido & Mónica Patxot |
-
Bares e restaurantes poderán abrir ata as 21:00 horas e terán máis aforamento
Por Alejandro Espiño |