A área sanitaria suma 22 novos contaxios diarios e volve ter 20 pacientes nos hospitais
Por Natalia Puga
Creada e actualizada
Creada e actualizada
A incidencia da covid-19 segue a tendencia á alza na área sanitaria de Pontevedra e O Salnés e os datos oficiais deste martes (baseados en cifras das 18.00 horas do luns) confirman 22 contagios nun só día a pesar de realizarse unha cantidade pequena de probas PCR, 298 nunha xornada.
Segundo o balance oficial, a situación complícase nos hospitais pontevedreses, que volven a cifra de 20 pacientes con covid-19 ingresados tras varios días por baixo. Son catro máis que un día antes.
Este martes hai un paciente na unidade de Coidados Críticos do Hospital Montecelo e 19 ingresados en planta de hospitalización. Son 16 pacientes en planta no Complexo Hospitalario Universitario de Pontevedra, tres máis que o martes; 1 no Hospital QuirónSalud Miguel Domínguez de Pontevedra e 2 no Hospital do Salnés.
Ademais, hai 231 persoas que deron positivo en covid-19 e atópanse en seguimento domiciliario.
En total, o número de casos activos na área sanitaria sitúase en 251, 5 máis que o luns. A pesar de que houbo 22 novos contagios, a cifra non sobe máis porque se deron 17 altas médicas. En total, desde o inicio do plan de continxencia da covid-19 curáronse 12.470 pacientes.
Segundo o balance oficial, ata o momento faleceron por coronavirus na área sanitaria 167 pacientes.
As 298 probas PCR realizadas nas últimas horas elevan a 186.479 o total de test efectuados desde o inicio da pandemia na área sanitaria.
EVOLUCIÓN EN GALICIA
A nivel autonómico, a Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 2.211, 37 máis que o luns, tras confirmarse 140 novos positivos nunha xornada.
A área sanitaria con máis casos activos é A Coruña, con 685. Ademáis, hai 139 na área de Lugo, 141 na de Ourense, 251 na de Pontevedra, 598 na área de Vigo, 303 na de Santiago e 94 na de Ferrol.
Do total de pacientes positivos, 33 están en UCI, 176 en unidades de hospitalización e 2.002 no domicilio. Polo de agora, en Galicia hai un total de 113.221 persoas curadas, rexistrándose 2.357 falecementos.
O número de PCR realizadas é de 1.877.214 e o número de doses de vacina contra a covid-19 administradas é de 559.814.
Relacionadas:
-
Novo repunte de contaxios na área sanitaria: detectan 36 positivos por covid-19 nun día
Por Redacción | Creada e actualizada
-
Tres pacientes máis no hospital e 23 novos positivos nunha xornada na área sanitaria
Por Natalia Puga | Creada e actualizada
-
Nivel máximo de restricións para O Grove e alto para A Illa mentres Sanxenxo pasa a nivel medio
Por Redacción |
-
A pandemia segue en situación de meseta á espera de coñecer os efectos da Semana Santa
Por Manu Otero |
-
A Semana Santa conclúe con 246 casos activos por covid-19 e cun aumento dos contaxios
Por Alejandro Espiño |
-
Un home de 67 anos, nova vítima da covid-19 no Hospital Montecelo
Por Redacción |
-
Lixeiro descenso dos pacientes con covid-19 nos hospitais pontevedreses
Por Natalia Puga | Creada e actualizada