A semana iníciase na área sanitaria con 30 novos contaxios de covid e 327 casos activos
Por Diego Espiño
O cambio de semana non trae consigo un cambio na tendencia no que respecta a os datos oficiais de afectación polo coronavirus.
Segundo a actualización ofrecida polo Servizo Galego de Saúde ás 10.00 horas deste luns 12 de abril, a Área Sanitaria de Pontevedra e O Salnés segue incrementando lixeiramente o seu número de casos activos chegando aos 327, o que supón 12 máis que o domingo.
Esta subida débese que o número de contaxios, con 30 novos positivos detectados, supera ás altas epidemiolóxicas que se produciron nas últimas horas, con 16 pacientes que superaron a enfermidade.
Ademais o Complexo Hospitalario Universitario de Pontevedra conta cun paciente máis ingresado en planta (16), mentres que o Hospital do Salnés atende a 2 afectados e 3 máis evolucionan na Unidade de Coidados Intensivos de Montecelo, sen cambios neste aspecto.
Desde o inicio da pandemia superaron a covid 12.553 pacientes da área sanitaria, rexistrándose 168 falecementos de persoas con positivo activo de coronavirus.
No que respecta a a realización de probas, durante a última xornada o seu número volveu ser elevado con 1.201 test PCR que se suman aos 191.679 efectuados con anterioridade.
DATOS DE GALICIA
A nivel autonómico este luns 12 de abril na comunidade hai 2.316 casos activos, o que supón 11 máis. Deles 616 son da área da Coruña (=), 157 da de Lugo (-1), 186 da de Ourense (+10), 327 da de Pontevedra, 599 da área de Vigo (-15), 355 da de Santiago (-2) e 76 da de Ferrol (+7).
De total de persoas infectadas, 30 están na UCI (tres máis) e 155 en unidades de hospitalización (dez máis). Ata a data en Galicia rexistráronse 2.368 falecementos asociados ao virus, sen cambios nas últimas horas.
Relacionadas:
-
A UCI de Montecelo suma un cuarto paciente positivo en covid, con 375 casos activos na área sanitaria
Por Diego Espiño |
-
Dous hospitalizados máis por covid na área sanitaria, que conta con 366 casos activos
Por Diego Espiño |
-
Os novos contaxios por covid na área sanitaria dispáranse ata os 40 e os casos activos soben a 357
Por Diego Espiño |
-
RADIO.- Coñece que non facer durante o proceso de vacinación
Por Marisa Ciordia |
-
Detectados 24 novos contaxios de covid nunha xornada con máis dun milleiro de probas PCR realizadas
Por Diego Espiño |
-
A área sanitaria volve superar os 300 casos activos de covid case un mes despois
Por Diego Espiño |
-
O nivel máximo de alerta mantense no Grove e seis concellos da área sanitaria soben ao nivel medio
Por Redacción |
-
Os casos activos por covid-19 sitúanse en 289, tras rexistrarse 28 novos contaxios
Por Alejandro Espiño |