Na APDR aseguran estar "cansos" de denunciar verteduras no Gafos tras detectar un novo caso
Por Redacción
Apenas 48 despois de denunciar un caso de verteduras no río Lérez, a Asociación Pola Defensa da Ría (APDR) alerta de novo dunha situación preocupante noutro dos leitos fluviais que pasa pola cidade, o río Gafos.
Trátase, explica a asociación, de "unhas verteduras que, tanto polo seu aspecto como polos cheiros nauseabundos a cloaca, fan pensar na natureza fecal".
Desde a APDR aseguran estar "cansos de denunciar situacións como a que vén de producir", que provocan que as augas do río baixen totalmente tinguidas e dunha cor antinatural. "Estamos cansos máis que nada porque polo xeral as denuncias caen nun saco roto sen que consigamos saber sequera de quen é a responsabilidade dos mesmos e, o que é moito máis frustrante, sen que se solucione o problema", sinalan.
A pesar diso a asociación ecoloxista presentou denuncia do sucedido ante o Concello de Pontevedra e tamén en Augas de Galicia "coa esperanza de que nesta ocasión poida ter algún efecto beneficioso para o noso río e o medio natural da nosa vila".
Relacionadas:
-
A APDR estuda medidas legais por unha nova vertedura de augas residuais urbanas ao río Lérez
Por Oskar Viéitez |
-
Nova vertedura no río Gafos detectada por Vaipolorío
Por Redacción |
-
Vilaboa quere erradicar o "turismo de residuos"
Por Redacción |
-
Un sumidoiro no Marco leva unha década vertendo fecais ao río Gafos cada vez que chove
Por Oskar Viéitez |
-
Nova vertedura de augas fecais ao río Gafos
Por Manu Otero |