A UCI de Montecelo suma un cuarto paciente positivo en covid, con 375 casos activos na área sanitaria
Por Diego Espiño
A Área Sanitaria de Pontevedra e O Salnés mantén este xoves 15 de abril unha lixeira tendencia á alza en relación á pandemia, con 9 casos activos de covid máis nas últimas horas e 24 contaxios detectados, segundo a actualización de datos ofrecida ás 10.00 horas polo Servizo Galego de Saúde.
En total na área pontevedresa realízase seguimento a 375 casos activos, tras unha xornada na que 15 pacientes recibiron o alta epidemiolóxica chegando ás 12.589 persoas que superaron o virus.
Os números tamén reflicten un incremento na ocupación da Unidade de Coidados Intensivos (UCI) de Montecelo, onde evolucionan actualmente 4 pacientes positivos por coronavirus, un máis que 24 horas antes. A cifra total de hospitalizados si se mantén estable, con 26, ao descender no mesmo número os ingresos en planta con 18 persoas ingresadas no Complexo Hospitalario Universitario de Pontevedra e 4 máis no Hospital do Salnés.
Desde o inicio da pandemia faleceron 168 persoas en Pontevedra e O Salnés con positivo activo de covid, sen cambios desde o pasado día 7.
En canto a realización de probas, nas oú ltimas 24 horas realizáronse 1.293 test PCR, que se engaden aos 194.609 efectuados con anterioridade.
DATOS DE GALICIA
A nivel autonómico este mércores 14 de abril na comunidade hai 2.439 casos activos, o que supón 39 máis. Deles 602 son da área da Coruña (+3), 176 da de Lugo (+7), 205 da de Ourense (+13), 375 da de Pontevedra, 625 da área de Vigo (+10), 363 da de Santiago (-4) e 93 da de Ferrol (+1).
De total de persoas infectadas, 25 están na UCI (unha menos) e 157 en unidades de hospitalización (unha menos). Ata a data en Galicia rexistráronse 2.371 falecementos asociados ao virus, tras sumar un nas últimas horas.
Relacionadas:
-
Novo repunte de pacientes con covid-19 nos hospitais pontevedreses: catro máis nun día, dous deles na UCI
Por Natalia Puga | Creada e actualizada
-
Máis de 4.000 persoas serán vacinadas con Pfizer e AstraZeneca esta fin de semana na área sanitaria
Por Redacción |
-
Corenta e sete novos contaxios disparan os casos activos por covid-19 ata os 407
Por Alejandro Espiño |
-
Dous hospitalizados máis por covid na área sanitaria, que conta con 366 casos activos
Por Diego Espiño |
-
O Grove mantense no nivel máximo de restricións e crece a preocupación en Marín, en nivel medio
Por Natalia Puga |
-
Os novos contaxios por covid na área sanitaria dispáranse ata os 40 e os casos activos soben a 357
Por Diego Espiño |
-
A semana iníciase na área sanitaria con 30 novos contaxios de covid e 327 casos activos
Por Diego Espiño |