Os comuneiros e o Concello crean unha comisión de seguimento ante os proxectos eólicos en marcha en Cerdedo-Cotobade
Por Redacción
O Concello de Cerdedo-Cotobade e as comunidades de montes acaban de crear unha comisión na que tamén participen técnicos municipais para facer seguimento á reactivación de varios proxectos eólicos e a proliferación de iniciativas empresariais para instalar aeroxeradores nos montes do municipio.
O alcalde de Cerdedo-Cotobade, Jorge Cubela, anunciou este domingo a creación desta comisión no transcurso dunha xuntanza mantida con representantes veciñais de Rebordelo, Loureiro, Carballedo e Borela.
Segundo anunciou o Concello a través dun comunicado, Cubela ten previsto manter contacto cos voceiros dos distintos grupos da oposición co fin de convidalos a formar parte desta iniciativa.
Este vindeiro venres 23 de abril Cubela manterá unha nova xuntanza cos veciños e a comunidade de montes de Cuíña, na parroquia de Quireza, no territorio de Cerdedo. Será ás 20.00 horas.
Cubela recoñeceu que está "realmente preocupado" con este tema e explicou que o seu obxectivo é "defender os intereses dos veciños e dos lugares por terra, mar e aire" e intercambiar información puntual e exhaustiva.
O rexedor explicou aos representantes veciñais que leva varios días reuníndose con comunidades de montes para explicarlles o posicionamento do Concello sobre este tema e trasladarlles as razóns que o impulsaron á presentación de alegacións ao parque eólico 'Campo das Rosas'. Solicita a súa paralización ao detectarse importantes eivas e deficiencias, segundo se recolle no informe elaborado pola técnica municipal en medio ambiente.
O alcalde tamén confirmou a existencia dun proxecto eólico no Monte do Pé e Coto, que afecta aos concellos de Cerdedo-Cotobade, Ponte Caldelas, Pontevedra e Vilaboa e ten a súa tramitación moi pouco avanzada.
Relacionadas:
-
Asemblea veciñal para analizar a creación do parque eólico dos Cotos
Por Cristina Saiz & Redacción |
-
Tres sesións sobre parques eólicos para informar a veciñanza
Por Redacción |
-
O Pavillón de Carballedo recolle a preocupación da veciñanza polo proxecto eólico
Por Oskar Viéitez |
-
A corporación de Cerdedo-Cotobade apoia as alegacións do Concello ao parque eólico de Porto Vidros
Por Redacción |
-
Cerdedo-Cotobade ofrece asistencia técnica aos seus veciños para alegar contra o proxecto de parque eólico Siroco
Por Redacción |
-
A Xunta asegura aos concellos que non aprobará parques eólicos fóra de áreas autorizadas na lei do 97
Por Redacción |
-
Piden paralizar o trámite de construción do parque eólico Campo das Rosas e Porto Vidros por "incumprir a normativa ambiental"
Por Redacción |
-
O BNG e o PSOE alegan contra o parque eólico Campo das Rosas
Por Oskar Viéitez | Creada e actualizada
-
Un informe técnico ve "pouco rigoroso e incompleto" o estudio de impacto ambiental do parque eólico "Campo das Rosas"
Por Redacción |
-
Aberto o prazo de alegacións fronte á creación do eólico Campo das Rosas
Por Redacción |