A Policía sorprende unha muller cando subtraía un bolso do interior dun establecemento comercial
Por Oskar Viéitez
Axentes da Policía Nacional identificaron unha muller tras cometer varios furtos nas tendas da zona comercial de Pontevedra.
Segundo informaron fontes oficiais da Comisaría Provincial, os policías atopábanse realizando labores de prevención da seguridade cidadá cando observaron a presenza dunha muller con antecedentes policiais que saía dunha tenda e entraba noutra próxima, de onde saíu novamente cun bolso na man que instantes antes non portaba.
Cando os axentes dispoñíanse a identificala saíu unha das empregadas da primeira tenda que afirmaba que a unha clienta acabábanlle de subtraer a carteira.
De forma espontánea a identificada recoñeceu acabar de subtraer o bolso que entregou aos axentes e nunha mochila metera a carteira subtraída no outro establecemento.
A identificada é unha veciña de Pontevedra de 40 anos de idade con antecedentes policiais por feitos similares.
Relacionadas:
-
Vilagarcía, con 46 casos de violencia de xénero activos, asina o novo pacto de colaboración entre corpos de seguridade do Estado
Por Redacción |
-
Relacionan a fatiga pandémica co incremento de delitos de lesións, malos tratos, ameazas e coaccións
Por Redacción |
-
Estafadores piden en Marín cartos en publicidade para unha falsa revista policial
Por Redacción |