Limpan con mergulladores os fondos de Areoso e retiran máis dunha tonelada de lixo
Por Redacción
Medio centenar de persoas participaron nas tarefas de limpeza que se realizaron nos fondos mariños que rodean ao illote de Areoso, na Illa de Arousa.
Nesta iniciativa, que forma parte do programa Plancton impulsado por Afundación, colaboraron máis de quince embarcacións que partiron do porto do Xufre.
Voluntarios submarinistas, integrado fundamentalmente por pescadores de navallas da Confraría de Pescadores da Illa de Arousa e por mergulladores do Club Subacuático Pérez-Sub, encargáronse de retirar os residuos que ameazaban a biodiversidade deste enclave.
Nas tarefas de extracción participaron tanto mergulladores equipados con equipo autónomo como a pulmón, que retiraron uns 1.100 quilos de residuos, fundamentalmente nasas, cabos, redes e outros apeiros de pesca extraviados.
Tamén había obxectos procedentes de terra firme como pilas, botellas, bolsas ou rodas.
Os mergulladores depositaron os residuos recollidos nunha das embarcacións de apoio que colaboraron na limpeza, desde onde os transportaron posteriormente ata o porto para a súa clasificación, pesado e posterior xestión.
O programa Plancton, cuxo principal obxectivo é fomentar a conservación dos mares galegos, xa comezara o pasado mércores en diversas praias do municipio, nas que uns 160 voluntarios extraeron 417 quilos de residuos.
Relacionadas:
-
Os sistemas de recollida selectiva do Porto de Marín retiraron preto de 1.200 toneladas de residuos o pasado ano
Por Redacción |
-
Xunta e Concello regularán o uso do illote Areoso para protexer os seus valores naturais
Por Redacción |
-
Os fondos marisqueiros de Cambados, limpos de tonelada e media de residuos
Por Redacción |
-
Areoso 'líbrase' de 1.100 quilos de residuos depositados no seu fondo mariño
Por Redacción |
-
Pescadores de Cambados e da Illa contribúen ao proxecto europeo de limpeza de lixo mariño
Por Redacción |
-
Voluntarios do programa Plancton retiran 177 quilos de lixo mariño das praias de Cortegada
Por Redacción |
-
Retiran máis de 400 quilos de lixo mariño en diferentes praias da Illa de Arousa
Por Redacción |