Ponte Caldelas reformará a estrada interior de Vilarchán
Por Redacción
O goberno municipal de Ponte Caldelas investirá uns 139.000 euros nun proxecto que permitirá reformar de xeito integral a estrada interior de Vilarchán que, nalgúns dos seus treitos, se atopa en malas condicións.
A estrada presenta actualmente numerosas fochancas, baches e moitas deficiencias de seguridade viaria que quedarán totalmente solucionadas con esta actuación integral que mellorará os 1.500 metros dos que dispón este vial.
A reforma contempla a limpeza de todas as marxes, a aplicación de nova capa de rodadura de aglomerado asfáltico de 5 centímetros de grosor, a recolocación de todas as tapas de rexistro, o pintado da sinalización vial e a colocación de sinalización vertical, a construción de cunetas en formigón e a realización de novas canalizacións de pluviais.
Ademais, colocaranse varios redutores de velocidade e pecharase con bolardos a perigosa intersección coa PO-532 que se atopa en plena curva e que presenta escasa visibilidade, onde xa se produciron en diversas ocasións accidentes con feridos.
Tamén está previsto ampliar a sección viaria en todos os tramos que sexa posible.
Esta é, destacan desde o Concello, unha obra importante para os lugares de Vilarchán, Contixe e Mirón ao tratarse dunha estrada con moito tráfico e un importante eixe de comunicación para a veciñanza desta zona, unha das máis poboadas do concello.
Relacionadas:
-
Aberta a licitación para a reforma integral da estrada interior de Vilarchán
Por Redacción |
-
Ponte Caldelas iniciará o luns a humanización da Rúa da Ponte
Por Redacción |
-
Ponte Caldelas anuncia que este será o ano con máis investimentos da súa historia
Por Redacción |
-
As rozas do rural caldelán chegan a Vilarchán e A Reigosa
Por Redacción |