Un único positivo nos cribados de Poio e Meaño
Por Redacción
Os últimos cribados poboacionais efectuados nos concellos de Poio e Meaño saldáronse cun só caso positivo por covid-19 rexistrado na localidade meañesa.
Estas probas realizáronse en Meaño entre o 26 e 28 de abril, mentres que en Poio tivo lugar o día 29. A esta iniciativa preventiva estaban citadas 1.247 persoas de Meaño de entre 30 e 49 anos de idade, así como 602 cidadáns con idades comprendidas entre os 65 e 75 anos do mesmo municipio. Con todo, soamente acudiron a realizarse o test 1.011 persoas, o que representa o 54,68 % da convocatoria voluntaria.
Á cita de Poio, na que non se detectou ningún caso positivo, estaban convocadas 1.400 persoas de 30 a 39 anos, das que acudiron 754, o 52,69 %.