Pontevedra esterilizou un cento de gatos nas colonias felinas da cidade
Por Redacción
O plan de captura, esterilización e solta que ten en marcha o Concello de Pontevedra para controlar a poboación das colonias felinas permitiu esterilizar un cento destes animais durante os primeiros catro meses do ano 2021. En concreto, foron sesenta femias e corenta machos.
As cifras do programa superan ás rexistradas en 2020 a estas alturas de maio, nun ano que rematou con 181 esterilizacións. Ata o confinamento fixéronse 76 e desde outubro outras 105.
As esterilizacións realizada este ano supuxeron un gasto de 8.470 euros.
Os animais esterilizados e desparasitados dentro deste plan de control estaban nos barrios de Campolongo e A Parda, no pavillón municipal ou na avenida de Lugo e en ámbitos rurais de Salcedo (San Blas), Lérez, Mourente, Campañó, A Canicouva, Mourente, Estribela ou Marcón.
O concelleiro de Benestar Animal, Marcos Rey, subliñou a importancia de que o Concello teña no punto de mira o crecemento incontrolado das colonias felinas e a salvagarda da saúde e a dignidade dos animais, "pero tamén na educación e o civismo dos donos de gatos e cans".
A este respecto, avanzou a súa intención de poñer en marcha unha campaña de concienciación sobre a recollida de deposicións e lembrou que os responsables dos animais "tamén teñen a obriga de diluír con auga a urina das súas mascotas".
Relacionadas:
-
Benestar Animal espera ter un censo de colonias felinas a partir da vindeira semana
Por Redacción |
-
Denuncian a aparición de tres gatos envelenados en Mollavao e outro, en Vilaboa, cun proxectil na columna
Por Redacción |
-
RADIO.- Podcans comeza o ano con cancións dedicadas a cans e gatos
Por Redacción |
-
Piden colaboración cidadá para dar co autor do envelenamento de gatos en Conde de Bugallal
Por Redacción |