O alumnado de Caldas aprende a combater o machismo nas redes co obradoiro "Youtube e xénero"
Por Redacción
O Concello de Caldas de Reis, a través da concellería de Igualdade que dirixe Inés Fuentes, desenvolveu esta semana un o taller Youtube e Xénero dirixido ao alumnado de 4º de ESO dos centros educativos do municipio: IES Aquis Celenis, CPI Alfonso VII e CPR San Fermín.
O obxectivo desta iniciativa é sensibilizar á poboación máis nova sobre a necesidade de facer un bo uso desta redes sociais.
A través destes talleres pretenden dar a coñecer os conceptos básicos para entender o sistema heteropatriarcal no que vivimos e ver en que nos condiciona no noso día a día, detectar mensaxes ou condutas nocivas na rede e saber como actuar en cada caso, así como dar as claves para a creación de espectadores críticos, capacitar ao alumnado para que sexa dono do que elixe ver na internet e facilitar recursos con mensaxes e contidos con perspectiva de xénero.
Durante as dúas horas de duración do taller o alumnado aprendeu o que é o machismo, o sistema patriarcal e os roles e estereotipos de xénero que se perpetúan a través da rede.
A metodoloxía dos talleres contou cunha parte máis teórica na que se deron a coñecer os conceptos básicos relacionados con cuestións de xénero e unha segunda parte na que a través de varias dinámicas e visionados participativos buscouse a reflexión sobre os contidos que consumido a través da rede.
Relacionadas:
-
Organizan obradoiros nos colexios de Pontevedra para previr o machismo e a violencia sexual
Por Redacción |
-
Caldas presenta a campaña 'Mulleres da vila', un recoñecemento ás traballadoras á fronte de negocios
Por Redacción |
-
Caldas programa un mes de actividades ao redor do Día Internacional da Muller
Por Redacción |
-
A Xunta reforza a atención á muller e as accións de prevención da violencia de xénero
Por Redacción |