Setembro deixa en Pontevedra 1.277 parados máis
Por Diego Espiño
Despois de seis meses de lixeiro descenso volveu aumentar en Pontevedra o número de parados rexistrados nas oficinas dos servizos públicos de emprego.
O mes de setembro finalizou con 1.277 desempregados máis na provincia, ata facer un total de 102.918 persoas, segundo fixo público o Ministerio de Emprego e Seguridade Social.
Esta cifra supón un incremento anual de 260 parados en relación ao mes de setembro de 2012, cando a cifra total ascendía a 102.658.
En relación aos datos de Galicia o paro incrementouse en 3.209 persoas en setembro, deixando o total de desempregados en 260.733, un 1,25% máis que en agosto.
Por sectores, todos mostran descensos nas súas cifras na comunidade salvo o de servizos, vinculado especialmente á contratación estival.
En toda España, o número de parados rexistrados sitúase agora nos 4.724.355 desempregados tras incrementarse en 25.572.
Relacionadas:
-
Outubro deixa 4.262 parados máis nas listas de desemprego da provincia de Pontevedra
Por Redacción | Creada e actualizada
-
239 parados máis no concello de Pontevedra e 13 menos en Vilagarcía durante o mes de setembro
Por Redacción |
-
Pontevedra acumula o sexto mes de descenso do desemprego, con 1.128 parados menos en agosto
Por Natalia Puga |
-
Baixa o paro rexistrado en Pontevedra en 4.691 persoas en xuño
Por Oskar Viéitez |