A Fiscalía recorre diante do Supremo a revogación da condena contra Audasa
Por Oskar Viéitez
A Fiscalía Provincial de Pontevedra interpuxo este venres recurso de casación ante o Tribunal Supremo pedindo que a empresa Audasa sexa condenada, ao entender que cobrou as peaxes da AP-9 de xeito abusivo durante as obras de ampliación da ponte de Rande, entre febreiro de 2015 e xuño de 2018.
A Fiscalía sae ao paso da sentenza da Sección Primeira da Audiencia Provincial de Pontevedra, que estimou o recurso de Autoestradas do Atlántico, revogando a sentenza do Xulgado do Mercantil 1 desta mesma capital, que condenaba á concesionaria da AP-9 a indemnizar aos prexudicados por un total de 81 incidencias que se produciron durante as obras, que se rexistraron durante os tres anos que duraron os traballos.
Nun comunicado a Fiscalía Provincial explica que no seu recurso solicita que a Sala do Civil do Tribunal Supremo, por interese casacional, anule a sentenza recorrida da Audiencia de Pontevedra, "deixándoa sen efecto e dite outra no sentido proposto na demanda orixinal".
O pasado 19 de abril a sección primeira da Audiencia de Pontevedra estimou o recurso de apelación interposto por Audasa ao entender que as concesionarias de autoestradas non teñen que rebaixar o prezo das súas peaxes se non poden garantir unha fluidez no tráfico propia das vías de alta capacidade.
O tribunal provincial concluíu que non poden incluírse no concepto de "prácticas abusivas" as incidencias relacionadas co cumprimento do contrato de uso da autoestrada, e considera que non existe unha relación directa entre o pago da peaxe e as condicións nas que se presta o servizo.
Relacionadas:
-
Audasa deberá devolver a metade das peaxes a 21 condutores afectados polas obras en Rande
Por Natalia Puga |
-
Inician unha campaña para reclamar a gratuidade da AP-9 ao Goberno de Pedro Sánchez
Por Redacción |
-
A xustiza falla a favor de Audasa, que non terá que devolver as peaxes cobradas durante as obras de Rande
Por Oskar Viéitez |
-
Afectados polas obras da ponte de Rande declaran na vista de apelación que as retencións na autoestrada producíanse a diario
Por Oskar Viéitez |
-
A Fiscalía recorre a sentenza polas peaxes abusivas da AP-9 e oponse á impugnación de Audasa
Por Alejandro Espiño |
-
Audasa recorre a sentenza que a condenou por cobrar "peaxes abusivas" na AP-9
Por Alejandro Espiño |
-
A sentenza contra Audasa deixa "co cu ao aire", segundo o BNG, á Xunta e a Fomento
Por Redacción |