A chuvia frustra a homenaxe a Xela Arias en Montero Ríos
Por Redacción
Todo preparado tiña a Deputación de Pontevedra para conmemorar o Día das Letras Galegas que se lle dedica a Xela Arias cun espectáculo de imaxe, poesía e música que non puido celebrarse finalmente polas condicións climatolóxicas.
A chuvia, coa que non se contaba nas previsións meteorolóxicas, obrigou a suspender o espectáculo X Xela. Os organizadores agardaron case media hora pero a auga non deixou de caer e fixo que a posta en escena non fora segura polos elementos electrónicos.
Ante esta situación, a Deputación, de acordo coa Banda da Loba e as poetas Helena Salgueiro, Vanessa Glemsel, Nuria Vil e Estíbaliz Espinosa, decidiu adiar o acto ata unha nova data aínda por fixar e que se comunicará proximamente.
Nove mulleres no escenario, cinco músicas da Banda da Loba e catro poetas actuais galegas cos retratos de Xela Arias de fondo, eran o fío condutor deste espectáculo que, ademais, ía comezar cun vídeo da propia Xela Arias lendo un dos seus poemas, unha peza moi singular por ser o único documento audiovisual existente dela sobre a súa obra.
X Xela ía ser a estrea da programación provincial que se estenderá durante todo o ano baixo o lema 365 días en galego.
Relacionadas:
-
Poesía, fotos e música con Xela Arias como protagonista para reivindicar o galego
Por Redacción |
-
A Banda da Loba e catro poetas reivindicativas homenaxean a Xela Arias este xoves na Ferrería
Por Anxo Lourido |
-
A Deputación recupera este xoves o espectáculo 'X Xela' para celebrar as Letras Galegas
Por Redacción |
-
A Ferrería acollerá o 17 de maio un espectáculo poético e musical para enxalzar a figura de Xela Arias
Por Manu Otero |
-
Xela Arias será homenaxeada pola Deputación cun acto multidisciplinar polo seu compromiso coa "lingua, a cultura e a igualdade"
Por Mónica Patxot & Anxo Lourido |