Máis humanización no campus: 'skate-park', punto de recarga de coches eléctricos e un novo ximnasio
Por Alejandro Espiño
As actuacións para avanzar no plan de humanización do campus non se deteñen. O obxectivo da Universidade de Vigo é que o campus da Xunqueira sexa un espazo "máis vivible e máis visitable", segundo explicou o seu reitor, Manuel Reigosa.
Así, tras a recente instalación dun parque de calistenia e dunha estación de reparación de bicicletas, as autoridades educativas xa teñen en marcha novos proxectos.
O reitor avanzou ante o Consello do Campus celebrado este mércores que "están a piques" de completarse os trámites para a creación do novo ximnasio que haberá na Facultade de Ciencias da Educación e do Deporte.
Ademais, a Universidade e o Concello xa asinaron xa o convenio polo que a institución académica cederá a parcela na que se construirá un 'skate-park', que estará situado na entrada do campus universitario e que executará o goberno municipal.
Os responsables deste proxecto para a humanización do campus tamén teñen previsto instalar un punto de recarga para vehículos eléctricos e un servizo de bicicletas eléctricas que poderán empregar todos os membros da comunidade educativa.
A Universidade de Vigo seguirá traballando neste ámbito para fortalecer o proxecto do Green Campus, para o que encargará un estudo para abordar novas actuacións.
Relacionadas:
-
Avances entre Concello e Universidade para a construción do skatepark, o edificio de Moda e a desafectación dos terreos do campus
Por Redacción |
-
As bicicletas son para o verán e para o campus
Por Redacción |
-
Negocian crear unha Facultade de Enfermería con campus en Pontevedra, Vigo e Ourense
Por Alejandro Espiño |
-
A Sala X de Belas Artes será rebautizada co nome de Manuel Moldes
Por Alejandro Espiño |
-
O campus estrea unha estación de reparación de bicicletas
Por Redacción |