Feijóo sinala como exemplo de mobilidade segura ás sendas da PO-308 entre Poio e Sanxenxo
Por Oskar Viéitez
O presidente da Xunta, Alberto Núñez Feijóo, destacou este venres a aposta do Goberno galego por unha mobilidade máis segura e sustentable, coa posta en marcha nos últimos cinco anos de 170 quilómetros de sendas integradas nas marxes das estradas.
Acompañado das conselleiras de Medio Ambiente, Ángeles Vázquez e Infraestruturas, Ethel Vázquez, e do alcalde de Sanxenxo, Telmo Martín, o titular do Goberno galego percorreu a nova senda peonil da PO-308, de máis de 8 quilómetros entre Portonovo e A Lanzada.
Feijóo referiuse a esta actuación como un exemplo máis dese compromiso, coa posta en valor dunha paraxe singular, ademais de garantir a máxima seguridade viaria no conxunto do traxecto, afastando aos peóns e aos ciclistas da estrada.
O presidente da Xunta lembrou que ademais desta senda estase a levar a cabo unha actuación integral da PO-308 que, cun investimento total de 17 millóns de euros, permitirá completar un itinerario peonil continuo desde Pontevedra ata A Lanzada pola marxe desta estrada, así como a eliminación dos treitos de concentración de accidentes.
Coas obras xa rematadas no termo municipal de Sanxenxo, Feijóo confirmou os avances nas actuacións previstas á altura do concello de Poio. Así, anunciou que a vindeira semana, comezarán os trámites para investir preto de 1,6 millóns de euros na construción dun novo treito de senda entre Combarro e Fontenla, onde ademais se reforzará a seguridade viaria.
Estes itinerarios peonís e ciclistas son actuacións cofinanciadas pola Unión Europea no marco do programa operativo FEDER Galicia 2014-2020.
Relacionadas:
-
Poio solicita un paso de peóns na recta do Laño
Por Oskar Viéitez |
-
Realizan obras de control da biomasa nas marxes da PO-308 para crear cortalumes
Por Redacción |
-
Máis de 2,3 millóns para humanizar o paso da PO-308 polo núcleo urbano de Portonovo
Por Redacción |
-
Non haberá rotonda na baixada a Chousa tras a reforma da PO-308 ao seu paso por Combarro
Por Redacción |
-
O Consello da Xunta autoriza as expropiacións para mellorar a seguridade da PO-308 entre Fontenla e Combarro
Por Redacción |
-
A Xunta anuncia que procederá nun curto prazo a expropiar os terreos para a mellora da PO-308
Por Redacción |
-
Avanzan os traballos nas zonas verdes da senda entre Portonovo e A Lanzada
Por Redacción |
-
O PSOE pide no Parlamento a execución de dúas sendas peonís na PO-308 ao seu paso por Poio
Por Redacción |