O PP pide ao Concello de Poio que fale coa veciñanza antes de pintar as estradas prohibindo o estacionamento
Por Oskar Viéitez
O Grupo Municipal do PP de Poio trasladará á Comisión Municipal de Urbanismo desta semana o malestar de veciños de distintas zonas do concello polo pintado "sen informar, sen consultar e sen dar alternativa" de liñas amarelas prohibindo estacionar en lugares onde os veciños acostuman aparcar.
Os populares poñen de exemplo a última actuación do Concello de Poio neste sentido na zona do camiño do Redondo e o camiño Casas, en Combarro, "cun extenso pintado de zona amarela feito da noite para a mañá sen coñecemento dos veciños", según estes informaron ao PP a pasada semana.
Na comisión deste martes, o Grupo Popular trasladará a queixa destes veciños, preguntará se os afectados en cada lugar están sendo consultados ou informados antes do pintado de zonas amarelas e esixirán explicacións pola forma de proceder coas prazas de aparcamento.
"Prohiben de forma xeneralizada, sen informar aos veciños, sen consultar aos afectados, sen buscar alternativas e sen crear novas prazas", declararon os populares.
Rocío Cochón recordou que os problemas de aparcamento son unha "preocupación real" na maioría de zonas de Poio, "e supoñen cada vez un quebradeiro de cabeza maior para veciños, empresarios, comerciantes ou visitantes ", e subliñou que "o Tripartito non ten maneira de botar balóns fóra porque a responsabilidade de poñer prazas de aparcamento é exclusivamente municipal, pero en vez de poñer prazas, as quitan".
Cochón destacou que os populares só nos últimos meses os populares volveron atender as queixas dos veciños e comerciantes en numerosas zonas de Poio, como Campelo, Porteliña, Anafáns, Raxó ou Combarro, e lamentou a "incapacidade" do Goberno local de dar solucións, "fixeron mil anuncios pero puxeron cero prazas de aparcamento", e advertiu que coa chegada de visitantes en verán "a situación vaise agravar moito máis".
Relacionadas:
-
30 novas prazas de aparcamento en Campelo estarán listas antes da Festa da Ameixa
Por Redacción |
-
Poio recupera 420.000 euros investidos na mellora da estrada entre Portosanto e Campelo
Por Redacción |
-
Habilitarán prazas de estacionamento para residentes en Combarro
Por Redacción |
-
400 novas prazas de aparcadoiro serán creadas en San Salvador e preto da igrexa de Samieira
Por Redacción |
-
Reclaman a creación de máis prazas de aparcamento en Campelo
Por Redacción | Creada e actualizada