Repintan a zona de preferencia peonil do paseo de Silgar
Por Redacción
O Concello de Sanxenxo procederá a repintar a zona de preferencia peonil do Paseo de Silgar este mércores. A intervención, que está enmarcada no plan de mantemento e conservación municipal, forma parte da garantía da obra polo que non supoñerá custo algún para as arcas de Concello.
O pintado, que se centrará nas zonas de maior desgaste debido ao tránsito de vehículos, obrigará a cortar o tráfico no tramo da Rúa Madrid durante toda a xornada establecendo itinerarios alternativos. A regulación do tráfico realizarase a través de semáforos e con supervisión da Policía Local.
Os vehículos que queiran acceder a Carlos Casas deberán facelo desde a Rúa Progreso e baixar por Rúa Consistorio. A Rúa Cesteiros cambiará a dirección de baixada para dar servizo aos veciños do tramo da Rúa Madrid afectado polo corte. O tráfico restablecerase con normalidade á primeira hora da mañá do xoves