O Consello da Xunta autoriza as expropiacións para mellorar a seguridade da PO-308 entre Fontenla e Combarro
Por Redacción
A mellora da seguridade na PO-308 en Poio no tramo entre Fontenla e Combarro, deu este xoves un importante paso á fronte coa autorización por parte do Consello da Xunta de Galicia das expropiacións necesarias.
En concreto o goberno autonómico aprobou o expediente para as citadas expropiacións que permitirán por unha banda crear unha senda peonil e por outro eliminar un tramo de concentración de accidentes.
En total estas dúas actuacións contan cun orzamento que supera os 1,65 millóns de euros, segundo confirma a Xunta, incluíndo nestas cantidades os pagos compensatorios necesarios para a execución das obras.
No que respecta a a senda peonil, executarase un tramo de case 1,7 quilómetros de extensión pola marxe esquerda, ademais dun pequeno tramo na parte dereita entre a glorieta da VG-4.8 e o acceso ao IES de Poio.
Doutra banda en canto á actuación para mellorar a seguridade viaria, está previsto mellorar as interseccións para diminuír a velocidade neste tramo da PO-308 reducindo o número de xiros á esquerda.
Tras este trámite, a Consellería de Infraestruturas e Mobilidade ten a previsión de proceder ao levantamento de actas previas e á licitación das obras no segundo semestre deste ano.
Relacionadas:
-
En setembro comezará a mellora da PO-308 coa construcción da nova senda entre Fontenla e Combarro
Por Oskar Viéitez |
-
A Xunta convoca en febreiro e en abril sos propietarios afectados pola senda entre Fontenla e Combarro
Por Oskar Viéitez |
-
Poio insta á Xunta a que resolva os problemas no transporte escolar do IES da Fontenla
Por Redacción |
-
Non haberá rotonda na baixada a Chousa tras a reforma da PO-308 ao seu paso por Combarro
Por Redacción |
-
Feijóo sinala como exemplo de mobilidade segura ás sendas da PO-308 entre Poio e Sanxenxo
Por Oskar Viéitez |
-
A Xunta anuncia que procederá nun curto prazo a expropiar os terreos para a mellora da PO-308
Por Redacción |
-
A PO-308 entre O Covelo e A Granxa é agora unha estrada "moito máis funcional, humana e segura", segundo a Xunta
Por Redacción |