Vilaboa proponlle a Costas un paseo litoral entre as Salinas e o Forno da Cal
Por Redacción
O goberno municipal de Vilaboa insiste nun proxecto que, tras dez anos nun caixón, quere recuperar co apoio de Costas. Trátase dun paseo litoral que una as Salinas do Ulló co Forno da Cal, un espazo que o Concello quere recuperar como atractivo turístico.
Este proxecto foi abordado nunha xuntanza que o alcalde, César Poza, mantivo cos representantes de Costas e que, segundo o Concello, este organismo vería con bos ollos.
"É un vello anhelo de Vilaboa e das súas xentes poder gozar do noso litoral, pero tamén será un activo turístico e un atractivo máis para o noso municipio", explicou o rexedor, que confía en iniciar a redacción do anteproxecto deste paseo pola costa do municipio.
Este ambicioso proxecto completaríase en varias fases e permitiría poñer en valor non só os recursos de inicio e remate da senda senón tamén os peiraos de San Andrés e Santa Cristina de Cobres, o Monte do Cabalo e outros recunchos de interese.
O Concello comprometeuse a poñer a disposición de Costas os terreos que sexan necesarios para poder executar este paseo entre as Salinas e o Forno da Cal.
Relacionadas:
-
O Forno do Cal recobra a vida perdida da man das familias dos antiguos traballadores
Por Redacción |
-
A rehabilitación do Forno do Cal converte este patrimonio industrial nun novo atractivo turístico para Vilaboa
Por Oskar Viéitez |
-
Vilaboa presentará o día 21 os resultados do estudo de realidade aumentada das Salinas do Ulló
Por Redacción |
-
Noventa mil euros para converter o Forno da Cal nun novo activo turístico para Vilaboa
Por Redacción |
-
Reunión entre o alcalde de Vilaboa e Urbanismo da Xunta para regularizar a franxa litoral
Por Redacción |
-
Portos de Galicia realizará unha batimetría para estudar unha remodelación do porto de Santa Cristina de Cobres
Por Redacción |
-
Aprobada a axuda da Consellería do Mar para fomentar o turismo nas paisaxes vencelladas ás Salinas do Ulló
Por Redacción |
-
Vilaboa rehabilitará o forno do cal para convertelo nun novo activo turístico
Por Redacción |
-
Un código QR recreará a actividade e as instalacións das Salinas do Ulló
Por Redacción |