A UNED presenta cursos de verán sobre a relación entre o Camiño e o Islam, a sociedade hiperconectada, filosofía ou o machismo
Por Oskar Viéitez
A presidenta da Deputación de Pontevedra, Carmela Silva, o alcalde de Pontevedra, Miguel Anxo Fernández Lores, e o director do centro asociado da Universidade Nacional de Educación a Distancia (UNED) en Pontevedra, Víctor Manuel González, presentaron este luns en rolda de prensa os seis cursos de verán organizados por esta institución académica.
Os cursos de verán son un reflexo dos ensinos e investigacións desenvolvidas pola Universidade que pretenden ampliar coñecementos e mellorar competencias de quen os realiza. Entre os relatores atópanse expertos de recoñecido prestixio e con gran diversidade.
O Centro Asociado UNED en Pontevedra acollerá tres cursos na súa sede de Monte Porreiro do 7 ao 9 de xullo aínda que estas actividades permiten ao estudante participar con asistencia presencial ou asistencia en liña en directo ou en diferido, sen necesidade de ir ao centro.
O primeiro titúlase "Os valores da comunicación na sociedade hiperconectada" e nel presentarase, analizará e debaterá sobre os valores e a función da comunicación en xeral e dos medios de comunicación en particular. O curso complétase con catro horas de consulta de materiais e participación activa do estudante no foro do curso virtual.
Estará impartido por Claudia Sevilla, Ramón Ongil Cores, Vicente Vallés Choclán, José Manuel Herrero Mendoza, Juan de Sola, Nieves Concostrina, Jesús Pozo, Soledad Arroyo y Nacho Meneses.
O curso "O Camiño de Santiago e o islam: relacións interreligiosas no roteiro xacobeo durante a Idade Media" propón reunir testemuños documentais e artísticos das relacións entre cristiáns e musulmáns no Camiño de Santiago para comprender mellor este proceso. Estará impartido por Inés Monteira Arias, Miguel Larrañaga Zulueta, Milagros Guardia Pons, Alejandro García Sanjuán, Maribel Fierro Bello, Roser Salicrú i Lluch y Francisco García-Fitz.
O terceiro curso abordará a "Filosofía en tempos de incerteza” e nel un grupo de profesores e investigadores reuniranse para analizar a situación actual, prestando especial atención aos novos retos e problemas morais, sociais, políticos e culturais aos que, "se cabe, aínda máis en tempos de incerteza, debemos fai fronte".
Correrá a cargo de Amelia Valcárcel Bernaldo de Quirós, José María Hernández Losada, Francisco Colom González, Sonia E. Rodríguez García, Sergio Martínez Luna, Jesús M. Díaz Álvarez, Manuel Artime Omil, Blanca Rodríguez López, Luis García Soto, Tomás Domingo Moratalla, Ricardo Parellada Redondo y Antonio García-Santesmases.
Ademais o Centro Penal da Lama acollerá o curso "Constitución e Dereitos: Arte e Cultura para os Dereitos Humanos" do 30 de xuño ao 2 de xullo.
Pola súa banda a aula da UNED en Portas acollerá, do 14 ao 16 de xullo, o curso "As crises políticas na España contemporánea" no que repasarán os fitos máis significativos que balizan o último século longo que vai da crise do 98 á pandemia de 2020.
E por último, na aula da UNED en Vigo, do 5 ao 7 de xullo, darase o curso "O silencio social, gran cómplice do machismo" impartido por Carmela Silva Rego, María Acracia Núñez Martínez, Encarnación Orozco Corpas, Mercedes Fernández Martorell, Lola Álvarez Morales, Yolanda Cruz López, Jesús Pozo Gómez, Nieves Concostrina y Amparo Castellano Desco.