Vilaboa autoriza fogueiras no ámbito familiar e en terreo particular
Por Redacción
O Concello de Vilaboa autoriza este ano a realización das tradicionais fogueiras de San Xoán que só poderán realizarse no ámbito familiar e en terreos particulares.
Para os interesados en facelas para San Xoán o prazo para solicitar o permiso municipal remata este martes día 15 de xuño, mentras que os que queiran facer a fogueira coincidindo con San Pedro poderán tramitalo ata o venres día 21.
En calquera caso terán que ter escasas dimensións, non superando o 1,5 metros de alto e 2 metros de diámetro.
Desde o Concello de Vilaboa convidan á veciñanza a disfrutar da noite de San Xoán con prudencia e a extremar as precaucións para evitar incendios.
O alcalde César Poza fai tamén un chamamento colectivo no sentido sanitario, solicitando á veciñanza que preste especial atención ao cumprimento das limitacións en canto a número de persoas que se poden reunir.
Polo momento o Concello de Vilaboa tramitou xa máis dunha ducia de permisos para as fogueiras de San Xoán.
En cumprimento da orde do 28 de maio con motivo da covid-19 estarán prohibidas as fogueiras comunitarias, as situadas en terreos públicos e as organizadas polos establecementos hostaleiros coa finalidade de favorecer o disfrute dos seus clientes.
Relacionadas:
-
Dispáranse as solicitudes de particulares para facer fogueiras de San Xoán en Vilagarcía
Por Redacción |
-
Caldas celebrará San Xoán sen fogueira pero con actividades para todos os públicos
Por Redacción |
-
A Fundación Castrolandín suspende por segundo ano a Festa dos Fachos
Por Redacción |
-
O 18 de xuño finaliza o prazo en Caldas para solicitar autorización para as fogueiras de San Xoán e San Pedro
Por Redacción |
-
A fogueira pública de Cantodarea volverá prenderse neste San Xoán
Por Redacción |
-
Poio limitará as fogueiras de San Xoán a espazos privados
Por Redacción |
-
Aberto o prazo para a celebración de fogueiras de San Xoán en Pontevedra
Por Redacción |
-
Aberto ata o 21 de xuño o prazo para notificar a realización de fogueiras particulares de San Xoán e San Pedro
Por Redacción |
-
Non haberá cacharelas de San Xoán nos espazos públicos de Pontevedra
Por Alejandro Espiño |