O BNG anuncia que recorrerá a sentencia pola agresión Manuel Fariña porque se xulgou como delito leve
Por Redacción
Manuel Fariña, portavoz do BNG en Caldas de Reis, reafirmouse este martes no relato de feitos que xa fixera hai máis dun ano sobre a agresión sufrida nun monte de Saiar. Nesta ocasión, falou no xulgado, no xuízo contra o empresario da localidade acusado de agredilo, e, segundo sostivo ao remate, "reafirmouse punto por punto na denuncia efectuada".
O xuízo celebrouse este martes no Xulgado de Primeira Instancia e Instrucción número 1 de Caldas e aínda non se ditou sentenza, pero, independentemente do seu resultado, o seu partido, o BNG, xa anunciou que vai presentar un recurso. Farao porque está en desacordo coa cualificación xurídica que se fixo dos feitos.
"Non se pode xulgar por delito leve unha agresión a un cargo público en exercicio das súas funcións", critica o BNG, que sostén que Manuel Fariña foi agredido despois de denunciar, como concelleiro, verteduras ilegais de entullos nun monte de Saiar.
O empresario acusado nega que os feitos sucederan como sostén o portavoz local do BNG e no xuízo tamén saíron a relucir varias probas, entre elas, un parte de lesións de Manuel Fariña e unha serie de gravacións realizadas no momento dos feitos.
Desde o BNG aseguran que o empresario, na súa declaración, tivo "numerosas contradicións" e Manuel Fariña reafirmouse nunhas declaracións xa realizadas nos últimos días, que "ningunha ameaza ou agresións vai facer que muden co seu labor de defensa da veciñanza, do medio ambiente e da calidade de vida dos homes e mulleres de Caldas de Reis.
Este martes, con motivo do xuízo, desprazáronse ata Caldas, en apoio a Manuel Fariña, o responsable comarcal do BNG, Demetrio Gómez, e o deputado Luís Bará.
Relacionadas:
-
A Xunta sanciona unha empresa con 12.000 euros por verter entullos nos montes de Saiar
Por Alba Feijoo Alonso |
-
A Audiencia confirma a condena ao empresario que agrediu o portavoz do BNG de Caldas
Por Natalia Puga |
-
Condenan o empresario xulgado por agredir ao voceiro do BNG en Caldas
Por Natalia Puga |
-
O empresario acusado de agredir o voceiro do BNG en Caldas, a xuízo
Por Redacción |
-
Un concelleiro do BNG en Caldas, agredido por un empresario tras denunciar verteduras ilegais
Por Natalia Puga | Creada e actualizada
-
Centos de toneladas de entullos aparecen nun vertedoiro incontrolado nos montes de Saiar
Por Redacción |